മലയളികളുടെ പ്രിയ യുവതാരം ദുല്ഖര് സല്മാന്റെ പിറന്നാളാണിന്ന്. ദുല്ഖറിന് പിറന്നാള് സമ്മാനമായി പുതിയ ചിത്രം കുറുപ്പിന്റെ പ്രൊമോ വീഡിയോ പുറത്തിറക്കിയിരിക്കുകയാണ് ടീം. ശ്രീനാഥ് രാജേന്ദ്രന് ആണ് ചിത്രം സംവിധാനം ചെയ്യുന്നത്. കഴിഞ്ഞ മെയ് മാസം റിലീസ് ചെയ്യേണ്ടതായിരുന്നു ദുല്ഖറിന്റെ ഈ ബിഗ് ബജറ്റ് ചിത്രം.
കേരളത്തെ വിറപ്പിച്ച സുകുമാരക്കുറുപ്പ് എന്ന പിടികിട്ടാപ്പുള്ളിയെ കുറിച്ചാണ് ചിത്രം. പ്രൊമോ വീഡിയോയില് തകര്പ്പന് സ്റ്റൈലിഷ് ലുക്കിലാണ് ദുല്ഖര് പ്രത്യക്ഷപ്പെട്ടിരിക്കുന്നത്.
ദുല്ഖര് സല്മാന് സിനിമയില് അരങ്ങേറ്റം കുറിച്ച ആദ്യ ചിത്രം സെക്കന്ഡ് ഷോയുടെ സംവിധായകനാണ് ശ്രീനാഥ് രാജേന്ദ്രന്. ദുല്ഖര് സല്മാന് തന്നെയാണ് ചിത്രം നിര്മ്മിച്ചിരിക്കുന്നത്. നിമിഷ് രവിയുടേതാണ് ഛായാഗ്രഹണം. വിവേക് ഹര്ഷനാണ് എഡിറ്റിങ്.
