ചെന്നൈ: കോവിഡ് ബാധിച്ച് ചികിത്സയില് കഴിയുന്ന പിന്നണിഗായകന് എസ്.പി. ബാലസുബ്രഹ്മണ്യത്തിന്റെ ആരോഗ്യനില വീണ്ടും മോശമായി. എസ്.പി.ബി. തീവ്രപരിചരണ വിഭാഗത്തില് വെന്റിലേറ്ററിലാണുള്ളത്.
അരുമ്പാക്കം എം.ജി.എം. ഹെല്ത്ത് കെയര് ആശുപത്രി അധികൃതകര് മെഡിക്കല് ബുള്ളറ്റിനിലാണ് ഇക്കാര്യം അറിയിച്ചത്. ഇക്കഴിഞ്ഞ ഓഗസ്റ്റ് അഞ്ചിനാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. വ്യാഴാഴ്ച രാത്രിയോടെ ആരോഗ്യനില മോശമാവുകയും ഐസിയുവിലേക്ക് മാറ്റുകയും ചെയ്തു.
അതേ സമയം, അദ്ദേഹത്തിന്റെ ആരോഗ്യനിലയില് പുരോഗതിയുണ്ടെന്ന് മകന് ചരണ് വീഡിയോ സന്ദേശത്തില് വ്യക്തമാക്കി.
