വാഷിംഗ്ടണ്: അമേരിക്കയ്ക്ക് ഇതുവരെ ലഭിച്ചതില് വെച്ച് ഏറ്റവും കഴിവുകെട്ട പ്രസിഡന്റാണ് ട്രംപ് എന്ന് മുന് പ്രസിഡന്റ് ബരാക് ഒബാമയുടെ ഭാര്യ മിഷേല് ഒബാമ. യു.എസ് ഡെമോക്രാറ്റിക് കണ്വെന്ഷനെ അഭിസംബോധന ചെയ്യുന്നതിനിടെയായിരുന്നു ട്രംപിനെതിരെയുള്ള തന്റെ നിലപാട് മിഷേല് വ്യക്തമാക്കിയത്. മറ്റുള്ളവരോട് യാതൊരു സഹാനുഭൂതിയും ദയയുമില്ലാത്തയാളാണ് ട്രംപ്. വ്യക്തമായി പറഞ്ഞാല് നമ്മുടെ രാജ്യത്തിന് ലഭിച്ച ഏറ്റവും മോശം പ്രസിഡന്റ്.
നവംബറില് നടക്കുന്ന പ്രസിഡന്റ് തെരഞ്ഞെടുപ്പില് രാജ്യത്തിന്റെ പൊതുനന്മയെ കരുതി ട്രംപിനെ പരാജയപ്പെടുത്തേണ്ടത് അനിവാര്യമാണെന്നും അവര് പറഞ്ഞു. ഈ തെരഞ്ഞെടുപ്പില് അനിവാര്യമായ മാറ്റം സംഭവിച്ചില്ലെങ്കില് കാര്യങ്ങള് കൈവിട്ടുപോകുമെന്നും മിഷേല് വ്യക്തമാക്കി.
