'തണ്ണീർ മത്തൻ ദിനങ്ങൾ'ക്ക് ശേഷം ഗിരീഷ് എ ഡി തിരക്കഥ എഴുതി സംവിധാനം ചെയ്യുന്ന 'സൂപ്പര് ശരണ്യ' അനൗണ്സ്മെന്റ് പോസ്റ്റർ പുറത്തിറക്കി. തണ്ണീർമത്തനിലൂടെ ശ്രദ്ധേയയായ അനശ്വര രാജനാണ് ചിത്രത്തിലെ ടൈറ്റിൽ കഥാപാത്രമായ സൂപ്പര് ശരണ്യയായി എത്തുന്നത്. അര്ജുന് അശോകനാണ് മറ്റൊരു പ്രധാന കഥാപാത്രം.
ഇരുവരുടെയും കാരക്ടർ പോസ്റ്ററുകളാണ് ഫേസ്ബുക്കിലൂടെ സംവിധായകൻ ഗിരീഷ് പുറത്തുവിട്ടിരിക്കുന്നത്. സജിത് പുരുഷനാണ് ഛായാഗ്രാഹണം. ആകാശ് ജോസഫ് വർഗീസ് എഡിറ്റിംഗും ജസ്റ്റിൻ വർഗീസ് സംഗീതവും ഒരുക്കിയിരിക്കുന്നു. ഗിരീഷ് എ ഡിയും ഷെബിൻ ബക്കറും ചേർന്നാണ് ചിത്രം നിർമ്മിക്കുന്നത്.
ഉണ്ണി ആറിന്റെ കഥയെ ആധാരമാക്കി കാവ്യാ പ്രകാശ് സംവിധാനം ചെയ്ത 'വാങ്ക്' ആണ് അനശ്വരയുടെ വരാനിരിക്കുന്ന മറ്റൊരു ചിത്രം. വാങ്ക് വിളിക്കാന് ചെറുപ്പം മുതല് ആഗ്രഹിക്കുന്ന കഥാപാത്രത്തെ മുന്നിര്ത്തിയാണ് സിനിമ. ഷബ്ന മുഹമ്മദാണ് ചിത്രത്തിന് തിരക്കഥയും സംഭാഷണവും. അര്ജുന് രവിയാണ് ഛായാഗ്രഹണം.
