ഒരു തദ്ദേശ തെരഞ്ഞെടുപ്പിന്റെ പശ്ചാത്തലത്തിൽ ഒരുങ്ങുന്ന 'മെമ്പര് രമേശൻ 9-ാം വാർഡ്' എന്ന സിനിമയുടെ ഫസ്റ്റ് ലുക്ക് പോസ്റ്റര് പുറത്തിറങ്ങി. അർജ്ജുൻ അശോകൻ , ചെമ്പൻ വിനോദ്, ഇന്ദ്രൻസ്, മമ്മുക്കോയ, രൺജി പണിക്കർ, സാബുമോൻ, ശബരീഷ് വർമ്മ, ഗായത്രി അശോക്, സാജു കൊടിയൻ, ജോണി ആന്റണി തുടങ്ങി നിരവധി താരങ്ങളാണ് ചിത്രത്തിൽ അഭിനയിക്കുന്നത്.
അർജുൻ അശോകന്റെ പിറന്നാളിനോട് അനുബന്ധിച്ചാണ് പോസ്റ്റർ പുറത്ത് വിട്ടത്. ടൊവിനോ തോമസ് , അമല പോള്,ആന്റണി വര്ഗീസ് (പെപ്പെ) എന്നിവരുടെ പേജിലൂടെ ആണ് ഫസ്റ്റ് ലുക്ക് പോസ്റ്റർ പുറത്തിറക്കിയത്.
