കഴിഞ്ഞ വർഷം സെപ്റ്റംബറിൽ അവതരിപ്പിച്ച F9 പ്ലസ് ആണ് ജിയോണി അവസാനമായി ഇന്ത്യയിൽ പുറത്തിറക്കിയ സ്മാർട്ട്ഫോൺ. ഇപ്പോൾ ഇതാ ഒരു വർഷത്തെ ഇടവേളക്ക് ശേഷം ജിയോണി പുതിയ സ്മാർട്ഫോൺ മാക്സുമായി തിരിച്ചെത്തി.
ജിയോണി മാക്സിന് 5,999 രൂപയാണ് വില. കറുപ്പ്, ചുവപ്പ്, റോയൽ ബ്ലൂ എന്നിങ്ങനെ 3 നിറങ്ങളിൽ ലഭ്യമായ ജിയോണി മാക്സിന്റെ വില്പന ഈ മാസം 31 മുതൽ ഇ-കോമേഴ്സ് വെബ്സൈറ്റ് ആയ ഫ്ലിപ്കാർട്ട് മുഖേന നടക്കും. 2 ജിബി റാമും, 32 ജിബി ഓൺബോർഡ് സ്റ്റോറേജുമയിയാണ് ഫോൺ എത്തുന്നത്. 6.1 ഇഞ്ച് എച്ച്ഡി+ (720x1,560 പിക്സൽ) ഡിസ്പ്ലേയ്ക്ക് 2.5D കർവ്ഡ് ഗ്ലാസ് സ്ക്രീൻ പ്രൊട്ടക്ഷനുണ്ട്. ഡ്യുവൽ സിം (നാനോ) ഫോണായ ജിയോണി മാക്സ് ആൻഡ്രോയിഡ് 10 ഓപ്പറേറ്റിംഗ് സിസ്റ്റം അടിസ്ഥാനമായാണ് പ്രവർത്തിക്കുന്നത്. 2 ജിബി റാമുമായി ബന്ധപ്പിച്ച ഒക്ടാകോർ യൂണിസോക്ക് 9863A SoC പ്രോസസ്സർ ആണ് ഫോണിന്റെ കരുത്ത്.
5,000mAh ബാറ്ററി റിവേഴ്സ് ചാർജിംഗിനെ പിന്തുണയ്ക്കുന്നതാണ്. മൈക്രോ എസ്ഡി കാർഡ് വഴി 256 ജിബി വരെ ഉയർത്താവുന്ന 32 ജിബി ഓൺബോർഡ് സ്റ്റോറേജാണ് ജിയോണി മാക്സിന്. ജിയോണി മാക്സിന് പിന്നിൽ രണ്ട് ക്യാമറകളും മുൻവശത്ത് ഒരു ക്യാമറയുമുണ്ട്. ഡെപ്ത് സെൻസറിനൊപ്പം 13 മെഗാപിക്സൽ പ്രൈമറി സെൻസറും പിൻ ക്യാമറ സജ്ജീകരണത്തിൽ ഉൾപ്പെടുന്നു. 5 മെഗാപിക്സൽ സെൽഫി ഷൂട്ടർ ആണ് മുന്നിൽ.
ജിയോണി മാക്സ് 148x70.9x10.75 എംഎം അളവുകളുള്ള ജിയോണി മാക്സിന് 185 ഗ്രാം ആണ് ഭാരം. ജിയോണി കണക്റ്റിവിറ്റി ഓപ്ഷനുകളിൽ 4ജി എൽടിഇ, വൈ-ഫൈ, ബ്ലൂടൂത്ത് 4.2, ജിപിഎസ് / എ-ജിപിഎസ്, 3.5 എംഎം ഹെഡ്ഫോൺ ജാക്ക്, ചാർജ് ചെയ്യുന്നതിനായി മൈക്രോ-യുഎസ്ബി പോർട്ട് എന്നിവ ഒരുങ്ങുന്നു. പ്രോക്സിമിറ്റി സെൻസറും ജി സെൻസറും മാക്സിൽ ഉൾക്കൊള്ളിച്ചിട്ടുണ്ട്.
