ന്യൂഡല്ഹി: സംഘടന തിരഞ്ഞെടുപ്പ് എന്ന ആവശ്യത്തില് ഉറച്ച് കോണ്ഗ്രസ് നേതാവ് ഗുലാം നബി ആസാദ്. ഫെയ്സ്ബുക്ക് പേജില് പോസ്റ്റ് ചെയ്ത 27 മിനിറ്റ് ദൈര്ഘ്യുേള്ള വീഡിയോയിലാണ് അദേഹം ആവശ്യം ഉയര്ത്തിയത്.
അടുത്ത 50 വര്ഷവും ഇങ്ങനെ പ്രതിപക്ഷത്ത് തന്നെ ഇരിക്കാനാണ് പാര്ട്ടി ഉദ്ദേശിക്കുന്നതെങ്കില് തിരഞ്ഞെടുപ്പ് വേണ്ടെന്നും അദേഹം വിമര്ശം ഉയര്തതി. സംഘടനാ തിരഞ്ഞെടുപ്പ് 15 വര്ഷങ്ങള്ക്ക് മുമ്പ് തശന്ന നടക്കേണ്ടതായിരുന്നു. കഴിഞ്ഞ കുറച്ച് ദശകങ്ങളായി പാര്ട്ടിയില് തിരഞ്ഞെടുക്കശപ്പട്ട ഒരു നേതൃസംവിധാനമില്ല. ഇതില് നിന്നൊരു മാറ്റം കൊണ്ടുവരാന് പാര്ട്ടിയെ ശക്തിപ്പെടുത്തേണ്ടതുണ്ട്.
അതേസമയം തോല്വി ഭയന്ന് കോണ്ഗ്രസ് പ്രവര്ത്തക സമിതിയിലെ ചിലര് ആ തിരഞ്ഞെടുപ്പ് നീട്ടിവെയ്ക്കാനാണ് ശ്രമിക്കുന്നത്. നാമനിര്ദേശത്തിലൂടെ പ്രവര്ത്തക സമിതി അംഗങ്ങളായവരാണ് അവര്. അത് അങ്ങനെ തന്നെ തുടരണമെന്നാണ് അവര് ആഗ്രഹിക്കുന്നതെന്നും ഗുലാം നബി ആസാദ് തുറന്നടിച്ചു. കോണ്ഗ്രസില് അഴിച്ച് പണി ആവശ്യപ്പെട്ട് സോണിയ ഗാന്ധിക്ക് കത്തയച്ച നേതാക്കളിലൊരാളാണ് ഗുലാം നബി ആസാദ്.
