നടന് ബാലയുടെയും ഗായിക അമൃത സുരേഷിന്റെയും മകള് പാപ്പു എന്ന് വിളിക്കുന്ന അവന്തികയുടെ പിറന്നാള് ആഘോഷ ചിത്രങ്ങളും ബാലയുടെ വീഡിയോയും വൈറലാകുകയാണ്. പാപ്പു അമൃതയ്ക്കും കുടുംബത്തിനുമൊപ്പം പിറന്നാള് ആഘോഷിച്ചപ്പോള്, ബാല ശരണാലയത്തില് അനാഥക്കുഞ്ഞുങ്ങള്ക്കൊപ്പമാണ് മകളുടെ പിറന്നാള് ആഘോഷിച്ചത്.
ഇന്ന് എന്റെ മകളുടെ പിറന്നാളാണ്..എന്ന് പറഞ്ഞുകൊണ്ടാണ് പാപ്പുവിന് പിറന്നാള് ആശംസകള് നേര്ന്നുകൊണ്ടുള്ള ബാലയുടെ വീഡിയോ ആരംഭിക്കുന്നത്.'എന്റെ മകളെപ്പോലെ ഇവിടെ ഒരുപാട് മക്കളുണ്ട്. ഇവര്ക്കൊപ്പമാണ് ഇന്നത്തെ ദിവസം. പാപ്പു.. ഹാപ്പി ബര്ത്ത്ഡേ ടൂ യൂ.. ഇന്നത്തെ ദിവസം പാപ്പുവിനെ ഒരുപാട് മിസ് ചെയ്യുന്നു. തീര്ച്ചയായും നമ്മള് കാണും.. വീഡിയോയില് ബാല പറഞ്ഞു.
ശരണാലയത്തില് കുഞ്ഞുങ്ങള്ക്കൊപ്പം കേക്ക് മുറിച്ചും, അവര്ക്ക് ഭക്ഷണം നല്കിയുമായിരുന്നു പാപ്പുവിന്റെ ജന്മദിനത്തില് ബാലയുടെ ആഘോഷം. അമ്മയ്ക്കൊപ്പം കൊച്ചിയിലെ വീട്ടിലായിരുന്നു പാപ്പുവിന്റെ ആഘോഷം . ഇതിന്റെ ചിത്രങ്ങളും അമൃത സോഷ്യല്മീഡിയയില് പങ്കുവെച്ചിരുന്നു. അമൃതയും ബാലയും 2010 ലാണ് വിവാഹിതരായത്. തുടര്ന്ന് ഏറെക്കാലമായി പിരിഞ്ഞ് താമസിച്ച ഇരുവരൃം 2019 ല് വിവാഹമോചനം നേടി.
