ന്യുഡല്ഹി: വിവാദ കാര്ഷിക ബില്ലുകള്ക്കെതിരെ ടി.എന് പ്രതാപന് എം.പി സുപ്രീം കോടതിയില് ഹര്ജി നല്കി. കര്ഷകരുടെ അവകാശങ്ങള് ഇല്ലാതാക്കുന്ന ബില്ലുകളെ ഭരണഘടനാ വിരുദ്ധമായി പ്രഖ്യാപിക്കണമെന്ന് ആവശ്യപ്പെട്ടാണ് പ്രതാപന് സുപ്രീം കോടതിയെ സമീപിച്ചത്. പാര്ലമെന്്റ് പാസാക്കിയ ബില്ലുകള് കഴിഞ്ഞ ദിവസം രാഷ്ട്രപതി ഒപ്പുവച്ചിരുന്നു. ഇതോടെ ബില്ലുകള് നിയമമായി മാറി. ബില്ലിനെതിരെ രാജ്യവ്യാപക പ്രതിഷേധം തുടരുന്നതിനിടെയാണ് രാഷ്ട്രപതി ഒപ്പുവച്ചത്.
പ്രതിപക്ഷത്തിന്െ്റയും ഭരണപക്ഷത്ത് നിന്ന് തന്നെയുമുള്ള എതിര്പ്പ് മറികടന്നാണ് കേന്ദ്ര കൃഷി മന്ത്രി ബില്ലുകള് പാര്ലമെന്്റില് അവതരിപ്പിച്ചത്. ഭരണപക്ഷത്ത് നിന്ന് ശിരോമണി അകാലിദളാണ് ബില്ലുകളെ എതിര്ത്ത് രംഗത്ത് വന്നത്. കര്ഷക വിരുദ്ധവും കോര്പ്പറേറ്റ് അനുകൂലവുമായ ബില്ലുകള്ക്കെതിരെ എതിര്പ്പ് രേഖപ്പെടുത്തി കേന്ദ്രമന്ത്രി സഭയില് നിന്ന് ശിരോമണി അകാലിദള് പ്രതിനിധി രാജിവച്ചിരുന്നു. ബില് ഒപ്പിടരുതെന്ന് ആവശ്യപ്പെട്ട് രാഷ്ട്രപതിയെ കണ്ട ശിരോമണി അകാലിദള് ശനിയാഴ്ച എന്.ഡി.എ സഖ്യം വിടുകയും ചെയ്തു.
കാര്ഷിക വിപണന നിയന്ത്രണം എടുത്തു കളയുന്ന ബില്ലും കരാര് കൃഷി അനുവദിക്കുന്ന ബില്ലും അവശ്യ വസ്തു (ദേഭഗതി) ബില് 2020-ഉം ആണ് കഴിഞ്ഞ ആഴ്ച പാര്ലമെന്്റ് പാസാക്കിയത്. പ്രതിപക്ഷത്തിന്െ്റ എതിര്പ്പ് മറികടന്നാണ് ബില്ലുകള് രാജ്യസഭയിലും ലോക്സഭയിലും അവതരിപ്പിച്ച് പാസാക്കിയത്. സര്ക്കാര് നടപടിക്കെതിരെ രാജ്യസഭയില് പ്രതിഷേധിച്ച സി.പി.എം പ്രതിനിധികളായ എളമരം കരീം, കെ.കെ രാഗേഷ് എന്നിവരുള്പ്പെടെ പ്രതിപക്ഷത്ത് നിന്നു്ള്ള എം.പിമാരെ സസ്പെന്ഡ് ചെയ്തത് വിവാദമായിരുന്നു.
