മാസ്കും സാനിറ്റൈസറും മാത്രം പോരാ കൃത്യമായ സാമൂഹിക അകലവും കൊറോണാ പ്രതിരോധത്തിൽ പ്രധാനമാണ്. കൊറോണ പടർന്നു തുടങ്ങിയപ്പോൾ തന്നെ ഇതുസംബന്ധിച്ച നിർദേശങ്ങളും പുറപ്പെടുവിച്ചിരുന്നു. വിവാഹങ്ങളും മരണങ്ങളുമൊക്കെ ചുരുങ്ങിയ ആളുകളുടെ സാന്നിധ്യത്തിൽ നടന്നുതുടങ്ങി. ആർഭാടമായി നടത്തിയിരുന്ന വിവാഹങ്ങൾ പലതും ചടങ്ങു മാത്രമായി ഒതുക്കി. ഈ സാഹചര്യത്തിൽ ശ്രദ്ധേയമാവുകയാണ് വ്യത്യസ്തമായൊരു ഹൽദി സെറിമണി. സാമൂഹിക അകലം പാലിച്ചാണ് ഇവിടെ ഹൽദി സെറിമണി സംഘടിപ്പിച്ചിരിക്കുന്നത്.
ട്വിറ്ററിലൂടെയാണ് വീഡിയോ പുറത്തുവന്നിരിക്കുന്നത്. ഹൽദി സെറിമണിയോട് അനുബന്ധിച്ച് വധുവിന്റെ ശരീരത്തിൽ മഞ്ഞൾ പുരട്ടാൻ സ്വീകരിച്ചിരിക്കുന്ന മാർ ഗമാണ് വൈറലാകുന്നത്. വധുവിന്റെ അരികിലേക്കു പോവാതെ കൃത്യമായ സാമൂഹിക അകലം പാലിച്ചാണ് സെറിമണി സംഘടിപ്പിച്ചിരിക്കുന്നത്. ഇനി അതെങ്ങനെയെന്നല്ലേ? മറ്റൊന്നുമല്ല പെയിന്റ് റോളർ ഉപയോ ഗിച്ചാണ് വധുവിന്റെ ശരീരത്തിൽ മഞ്ഞൾ പൂശുന്നത്.
മഞ്ഞൾ കലക്കി ഒരു ഫോയിൽ പാത്രത്തിൽ നിറച്ചുവച്ചിരിക്കുകയാണ്. ഇതിൽ പെയിന്റ് റോളർ മുക്കിയതിനു ശേഷം വധുവിന്റെ മുഖത്തും കൈകാലുകളിലും പൂശുകയാണ് ചടങ്ങിനെത്തിയവർ. ആഹ്ലാദാരവങ്ങളോടെ ഹൽദിക്കായി തിരഞ്ഞെടുത്ത പുത്തൻ മാർ ഗത്തെ ആസ്വദിക്കുകയാണ് വധുവും കൂട്ടരും. നിരവധി പേരാണ് വീഡിയോക്ക് കീഴെ കമന്റുകളുമായി എത്തിയിരിക്കുന്നത്. സം ഗതി എന്തായാലും പുത്തൻ ആശയമാണ് എന്നാണ് ഭൂരിഭാ ഗം പേരും കമന്റ് ചെയ്യുന്നത്.
Social distancing Haldi ceremony. 🤣🤣 pic.twitter.com/OPa7zA6hid
— payal bhayana 🇮🇳 (@payalbhayana) September 26, 2020
