ഓരോ സമയത്തും സോഷ്യൽ മീഡിയയിൽ തരംഗമാകുന്ന എന്തെങ്കിലും രസകരമായ സംഭവങ്ങൾ ഉണ്ടാകാറുണ്ട്. ചിലപ്പോൾ അത് എന്തെങ്കിലും ചാലഞ്ച് ആകും അല്ലെങ്കുൽ ഏതെങ്കിലും ആപ്ലിക്കേഷനുകളാകും. ഇടക്കാലത്ത് ഫെയ്സ് ആപ്പ് ആയിരുന്നു തരംഗം. ഒരിടവേളയ്ക്ക് ശേഷം പൂർവാധികം ശക്തിയോടെ തിരിച്ചെത്തിയിരിക്കുകയാണ് ഫെയ്സ് ആപ്പ്. ഇതുവച്ച് കുട്ടികളെ പോലെ രൂപം മാറ്റിയിരിക്കുകയാണ് നമ്മുടെ സെലിബ്രിറ്റികൾ. ഗായകൻ വിധു പ്രതാപും നർത്തകിയും വിധുവിന്റെ ജീവിത പങ്കാളിയുമായ ദീപ്തിയും ഒന്നിച്ചുള്ള ചിത്രമാണ് ഇപ്പോൾ സോഷ്യൽ മീഡിയയിൽ ചിരിയുണർത്തുന്നത്.
പാട്ട് പാടിയും നൃത്തത്തിലൂടെയും മലയാളികളുടെ പ്രിയപ്പെട്ടവനായ വിധു പ്രതാപും ദീപ്തിയും സോഷ്യൽ മീഡിയുടെ പ്രിയപ്പെട്ട ദമ്പതികളാണ്. നേരത്തേ ഇടയ്ക്കിടെ ഇരുവരും ടിക്ക്ടോക്ക് വീഡിയോയുമായി എത്തി കാഴ്ചക്കാരെ ഏറെ ചിരിപ്പിക്കാറുണ്ട്.
