ഉപ്പില്ലാതെ ഭക്ഷണം ഉണ്ടാക്കാന് കഴിയില്ല. എന്നാല് അമിതമായി ഉപ്പ് കഴിക്കുന്നതും അപകടമാണ്. ഉപ്പ് ആഹാര കാര്യത്തിലെ പ്രധാനി മാത്രമല്ല നെഗറ്റീവ് എനര്ജിയെ ഇല്ലാതാക്കുന്നതിനും പ്രയോജനപ്പെടുത്താമെന്നാണ് ഈ മേഖലയിലെ വിദഗ്ദര് പറയുന്നത്. നെഗറ്റീവ് ഊര്ജത്തെ അകറ്റാന് കുറച്ച് ഉപ്പ് മാത്രമാണ് ഉപയോഗിക്കേണ്ടത്. വീടിന്റെ നാലു മൂലകളില് ഒരു പാത്രത്തില് ഉപ്പുവെള്ളം സൂക്ഷിക്കുന്നത് നല്ലതാണെന്നാണ് പറയുന്നത്.
ഈ ഉപ്പുവെള്ളം ദിവസവും മാറ്റുകയും ഉപയോഗ ശേഷം വെള്ളത്തില് കലര്ത്തി ശുചിമുറിയിലോ അടുക്കളയിലെ സിങ്കിലോ ഒഴിച്ചു കളയുകയോ ചെയ്യണം. ഉപ്പുകല്ലാണ് ഇങ്ങനെ വെയ്ക്കുന്നതെങ്കില് മണ്പാത്രത്തിലോ തടിപ്പാത്രത്തിലോ വേണം വെക്കേണ്ടത്. ഉപയോഗശൂന്യമായ ഒരുപാടു വസ്തുക്കള്, ഷെല്ഫിലിരിക്കുന്ന സമ്മാനങ്ങള്, അലങ്കാരവസ്തുക്കള് എന്നിവയൊക്കെ ഉപ്പുവെള്ളത്തില് മുക്കിയ തുണിയുപയോഗിച്ച് ഇടയ്ക്കിടെ വൃത്തിയാക്കാം. ദിവസങ്ങളായി അടച്ചിട്ട വീട് തുറക്കുമ്പോള് അടച്ചിട്ടതിന്റേതായ മണം വീടിനുള്ളില് ഉണ്ടാകും. ഇങ്ങനെയുള്ളപ്പോള് വീട് വൃത്തിയാക്കാന് അല്പ്പം ഉപ്പ് ചേര്ത്ത വെള്ളം ഉപയോഗിക്കാം. അണുക്കളും നെഗറ്റീവ് എനര്ജിയുടെ സാന്നിധ്യവും ഇല്ലാതാകും.
പുറത്ത് പോയി വരുമ്പോള് ക്ഷീണവും മറ്റു തോന്നുന്നത് സ്വഭാവികമാണ്. ഇങ്ങനെ വരുമ്പോള്, ഉപ്പ് ചേര്ത്ത വെള്ളത്തില് കുളിച്ചാല് ക്ഷീണമൊക്കെ മാറുന്നതായിരിക്കും. നല്ല ഉറക്കം കിട്ടാനും ഉപ്പുവെള്ളം സഹായിക്കും. ശരീരത്തിലെ ആല്ക്കലൈന് ലെവല് നിലനിര്ത്താന് ഉപ്പുവെള്ളത്തില് കാലുകള് 20 മിനിറ്റ് മുക്കിവച്ചാല് മതി. ഉപ്പുവെള്ളത്തിലെ മിനറല്സ് ശരീരത്തിലെ ആല്ക്കലൈന് അളവിനെ ക്രമീകരിച്ച് നല്ല ഉറക്കം സമ്മാനിക്കും. കിടപ്പുമുറിയില് ഉപ്പു സൂക്ഷിക്കുന്നതും മുറിയില് പോസിറ്റീവ് എനര്ജി നിലനിര്ത്താന് സഹായിക്കും.
