ഒരു ജെസിബി കിട്ടിയിരുന്നെങ്കില്.... പുറം ചൊറിയാമായിരുന്നു....! സൂപ്പര്സ്റ്റാര് ജയന്റെ ഏറെ ഹിറ്റായ ആ സിനിമാ ഡയലോഗ് ഇതാ സത്യമായിരിക്കുന്നു...
പണിസ്ഥലത്തെ ജോലി കഴിഞ്ഞ് ശരീരമാകെ പറ്റിയ പൊടി തോര്ത്തുപയോഗിച്ച് തുടച്ചുമാറ്റാന് ശ്രമിച്ചിട്ടും പോയില്ല. പിന്നൊന്നും ചിന്തിച്ചില്ല. മണ്ണുമാന്തി നിയന്ത്രിക്കുന്നയാളുടെ സഹായത്തോടെ അതിന്റെ കൈ കൊണ്ട് പുറത്തെ ചൊറിച്ചിലെല്ലാം മാറ്റി.
കേരളത്തില് എവിടെ നിന്നോ ഉളള വീഡിയോയാണിത്. ഫേസ്ബുക്കിലെ ഒരു ഗ്രൂപ്പില് പോസ്റ്റ് ചെയ്ത് മൂന്ന് ദിവസത്തിനകം രണ്ട് ലക്ഷം പേര് കാണുകയും രണ്ടായിരത്തോളം പേര് ഷെയര് ചെയ്യുകയും ചെയ്തു കഴിഞ്ഞു.
