പുതിയ സിനിമയുടെ ചിത്രീകരണത്തിനിടെ നടന് പൃഥ്വിരാജിന് കോവിഡ് സ്ഥിരീകരിച്ചു. 'ജനഗണമന' എന്ന സിനിമയുടെ ചിത്രീകരണത്തിനിടെ നടത്തിയ പരിശോധനയിലാണ് രോഗം സ്ഥിരീകരിച്ചിരിക്കുന്നത്. സിനിമയുടെ ചിത്രീകരണം കൊച്ചിയില് പുരോഗമിക്കുകയായിരുന്നു.
സംവിധായകന് ഡിജോ ജോസ് ആന്റണിക്കും കോവിഡ് സ്ഥിരീകരിച്ചു. ഇരുവര്ക്കും കോവിഡ് ബാധിച്ചതോടെ സിനിമയുടെ ഷൂട്ടിങ് താല്ക്കാലികമായി നിര്ത്തിവച്ചു.
ഇതോടെ മറ്റ് അണിയറ പ്രവര്ത്തകര്ക്കും താരങ്ങള്ക്കും ക്വാറന്റീനില് പോകേണ്ടിവരും. 'ക്വീന്'എന്ന സിനിമയ്ക്കു ശേഷം ഡിജോ ജോസ് ഒരുക്കുന്ന ചിത്രമാണ് ജനഗണമന.
സുരാജ് വെഞ്ഞാമ്മൂട് ആണ് ചിത്രത്തില് മറ്റൊരു പ്രധാനവേഷം കൈകാര്യം ചെയ്യുന്നത്.
