സുഷാന്ത് സിങ്ങിന്റെ മരണത്തോടെ ബോളിവുഡിനെ പിടിച്ചു കുലുക്കിയ വലിയ കേസായി മാറിയിരുന്നു ലഹരി മരുന്ന് കേസ്. അതില് ഉള്പ്പെട്ട് താരങ്ങളില് ഒരാളായിരുന്നു ദീപിക പദുക്കോണ്. ആ കേസില് തന്റെ പേരും ഉള്പ്പെട്ടതോട്കൂടി സോഷ്യൽ മീഡിയയിൽ നിന്ന് അകലം പാലിക്കുകയായിരുന്നു നടി ദീപിക. എന്നാല് ഇപ്പോള് താരം സോഷ്യല് മീഡിയയില് തിരികെ എത്തിയിരിക്കുകയാണ്.
സഹതാരം പ്രഭാസിന് ജന്മദിനാശംസകൾ നേർന്നുള്ള പോസ്റ്റാണ് താരം പങ്കുവച്ചിരിക്കുന്നത്. നാഗ് അശ്വിൻ സംവിധാനം ചെയ്യുന്ന പുതിയ ചിത്രത്തിൽ പ്രഭാസിന് നായികയാവുന്നത് ദീപികയാണ്. "ജന്മിദിനാശംസകൾ പ്രിയ പ്രഭാസ്, ആരോ ഗ്യവും സന്തോഷവും എന്നുമുണ്ടാകട്ടെ, നല്ലൊരു വർഷം മുന്നിലേക്ക് ഉണ്ടാവുമെന്ന് പ്രത്യാശിക്കുന്നു" ദീപിക കുറിച്ചു.
