മഹാരാഷ്ട്രയില്‍ വ്യാഴഴ്ച മുതല്‍ തീയേറ്ററുകള്‍ക്ക് തുറക്കാന്‍ അനുമതി

മുംബൈ : മഹാരാഷ്ട്രയില്‍ തീയേറ്ററുകള്‍ തുറക്കുന്നു. വ്യാഴഴ്ച മുതലാണ് തീയേറ്ററുകള്‍ തുറക്കുന്നത്. കോവിഡ് സാഹചര്യത്തിൽ സിനിമ തീയേറ്ററുകൾ അടച്ചിട്ടിരിക്കുകയായിരുന്നു. കൺടെയ്ൻമെന്റ് സോണുകൾക്ക് പുറമേയുള്ള പ്രദേശങ്ങളിലെ തീയേറ്ററുകളിൽ 50 ശതമാനം ആളുകളെ പ്രവേശിപ്പിച്ച് പ്രവർത്തിക്കാനാണ് സംസ്ഥാന സർക്കാർ അനുമതി നൽകിയത്.

സാമൂഹിക അകലം പാലിക്കുന്നത് ഉൾപ്പെടെയുള്ള കോവിഡ് മാർഗനിർദേശങ്ങൾ കർശനമായി പാലിച്ച് പ്രവർത്തിക്കാനാണ് നിർദേശം. തീയേറ്റർ, മൾട്ടിപ്ലക്സുകൾക്കുള്ളിൽ ഭക്ഷണ സാധനങ്ങൾ അനുവദിക്കില്ലെന്നും സർക്കാർ ഉത്തരവിൽ പറയുന്നു,. അൺലോക്കിന്റെ ഭാഗമായി രാജ്യത്തെ തീയേറ്ററുകൾ ഒക്ടോബർ 15 മുതൽ തുറക്കാമെന്ന് നേരത്തെ കേന്ദ്രസർക്കാർ മർഗനിർദേശം പുറത്തിറക്കിയിരുന്നു.