തിരുവനന്തപുരം: നിലവിലെ കോവിഡ് 19 സാഹചര്യത്തില് മഹാമാരിക്കെതിരേ പോരാടാന് പുതിയ പ്രോട്ടോകോള് അവതരിപ്പിച്ച് വിദഗ്ദ്ധര്. വൈറ്റമിന് സി, വൈറ്റമിന് ഡി 3, മെലാറ്റിനിന്, ഫലപ്രദമായ രീതിയില് അണുബാധയെ ചെറുക്കുന്ന ഔഷധങ്ങള് തുടങ്ങി താങ്ങാന് കഴിയുന്നതുമായ ദേശീയ തലത്തിലുള്ള ഡോക്ടര്മാരും ശാസ്ത്രജ്ഞന്മാരും അടങ്ങുന്ന ടീമിന്റെ ഫലപ്രദവുമായ പ്രോട്ടോകോള് നിര്ദേശം ഇന്ത്യന് കൗണ്സില് ഫോര് മെഡിക്കല് റിസര്ച്ചിന് മുന്നില് വെച്ചു.
ഉയര്ന്ന ഡോസിലുള്ള വൈറ്റമിന് സി, വൈറ്റമിന് ഡി 3, മെലാറ്റനിന് വിവിധ ആന്റി ഫംഗല് ട്രീറ്റ്മെന്റുകള് എന്നിവ കോവിഡിനെതിരേ ഫലപ്രദമാണെന്ന് കാണിക്കുന്ന ആഗോളതലത്തില് നടന്ന വിവിധ ശാസ്ത്രീയ പഠനങ്ങളുടെ അടിസ്ഥാനത്തിലാണ് നിര്ദേശം. കോവിഡ് മരണങ്ങളില് കൂടുതല് എണ്ണത്തിലും പൊതുവായി കാണപ്പെട്ട കാര്യം ശരീരത്തില് മുന്പ് ഉണ്ടായിരുന്ന രോഗാവസ്ഥയും അനാരോഗ്യ സ്ഥിതിയുമാണെന്ന കണ്ടെത്തലിന്റെ അടിസ്ഥാനത്തിലാണ് പുതിയ നിര്ദേശം. അതായത് വൈറസിന്റെ നേരിട്ടുള്ള ആക്രമണത്തില് ആര്ക്കും തന്നെ മരണം സംഭവിക്കുന്നില്ല എന്നും വൈറസിനെ കൊല്ലാന് കഴിയാത്തവിധം ശരീരത്തിന്റെ പ്രതിരോധ സംവിധാനത്തിന് മേലേയ്ക്ക് അത് കടന്നുകയറുമ്പോഴാണ് മരണം ഉണ്ടാകുന്നത് എന്നുമാണ് ഇതില് നിന്നും ശാസ്ത്രജ്ഞന്മാരും ആരോഗ്യവിദഗ്ദ്ധരും പൊതുവായി സ്വീകരിച്ച കാര്യം.
മെലാറ്റനിനും വൈറ്റമിന് ഡിയ്ക്കും ഒരുമിച്ച് പ്രതിരോധശേഷിയെ കൂട്ടാനുള്ള ഫലം ചെയ്യാനാകുമെന്നാണ് നിര്ദേശത്തില് പറയുന്നത്. വൈറ്റമിന് സി, ഡി, മെലാറ്റനിന്, രോഗനിവാരണ അണുബാധ പ്രതിരോധ ആര്എക്സ് മരുന്നുകള് എന്നിവ ഹൃസ്വകാല, ദീര്ഘകാലയളവില് നല്കുന്നതാണ് കെടുതികള് കുറയ്ക്കാനും പ്രതിരോധത്തിനും നിലവില് സര്ക്കാര് അംഗീകരിക്കപ്പെട്ടിട്ടുളള കോവിഡ് പ്രതിരോധ പ്രോട്ടോകോളെന്ന് ടീം ചൂണ്ടിക്കാട്ടുന്നു.
ടീമിന്റെ പുതിയ നിര്ദേശം ഐസിഎംആര് ഡയറക്ടര് ജനറല്, ആരോഗ്യ ക്ഷേമകാര്യ കേന്ദ്ര സെക്രട്ടറി, സംസ്ഥാന ആരോഗ്യ സെക്രട്ടറി എന്നിവര്ക്ക് അയച്ചിട്ടുണ്ടെന്ന് ടീമിനെ നയിക്കുന്ന ഐ. എസ്.ആര്.ഒ.യിലെ മുതിര്ന്ന ശാസ്ത്രജ്ഞന് സജി കെ സാം പറയുന്നു. ഇന്ഗ്രഗ്രേറ്റഡ് ക്ലിനിക്കല് മെറ്റല് ടോക്സിക്കോളജിസ്റ്റ് ഡോ. പ്രവീണ് കുമാര് സക്സേന, ടിബി ഹോസ്പിറ്റല് മുംബൈ ഗ്രൂപ്പിന്റെ സൂപ്രണ്ടന്റ്. ഡോ. ലളിത്കുമാര് ഡിയോറോ അനാണ്ടേ, വിരമിച്ച ഐഎഎസ് ഉദ്യോഗസ്ഥന് ഒ വെങ്കടേശ്വരലു, നുട്രീഷ്യണല് ആന്റ് എന്വയോണ്മെന്റ് മെഡിസിനിലെ ഡോ. ശ്രീസുധ ചാപ്യാല, കാര്ഡിയോളജി വിഭാഗത്തിലെ ഡോ. ദിഗംബര് നായ്ക്ക്, പ്രവിന്റീവ് കാര്ഡിയോളജി വിഭാഗത്തിലെ ഡോ. ലെന്നി ഡാ കോസ്റ്റ എന്നിവരാണ് ടീമിലെ അംഗങ്ങള്.
വൈറല് വിരുദ്ധ പ്രവര്ത്തനങ്ങള് ശരീരത്ത് ഉത്തേജിപ്പിക്കുന്ന ചില വൈറ്റമിനുകള്, ഹോര്മോണുകള്, പ്രതിരോധശേഷി വര്ദ്ധിപ്പിക്കല് എന്നിവയെല്ലാമാണ് നിര്ദേശിച്ചിട്ടുള്ള പ്രോട്ടോകോളില് പറഞ്ഞിരിക്കന്നത്. ഈ പ്രോട്ടോകോളില് ആഗോളമായി നടന്നിരിക്കുന്ന 25 ലധികം ശാസ്ത്രീയ പഠനങ്ങളും നിര്ദേശത്തിനൊപ്പം ചേര്ത്തിട്ടുണ്ട്.
