സൂരരൈ പോട്ര് എന്ന ചിത്രത്തിലൂടെ ഒരു കൂറ്റന് തിരിച്ച് വരവ് നടത്തിയിരിക്കുകയാണ് നടന് സൂര്യ. സോഷ്യല് മീഡിയയില് വലിയ ഹിറ്റാണ് ഈ ചിത്രം. താരത്തിന്റെ തിരിച്ചുവരവാണ് ഇതെന്ന് സൂര്യ വിജയ് ഫാന്സ് ഒന്നടങ്കം പറയുന്നു. ജിആർ ഗോപിനാഥിൻറെ ജീവിതകഥയാണ് ചിത്രം പറയുന്നത്. അദ്ദേഹം എയർ ഡെക്കാൺ എന്ന് എയര്ലൈന്സിന്റെ സ്ഥാപകനാണ്. അദ്ദേഹത്തിന്റെ ആത്മകഥയായ സിംപ്ലി ഫ്ലൈ എന്ന പുസ്തകമാണ് ചിത്രത്തിന് ആധാരം.
സുധാ കോങ്ക്രയാണ് ചിത്രം സംവിധാനം ചെയ്യ്തിരിക്കുന്നത്. ചിത്രത്തിലെ അഭിനയത്തിന് സൂര്യയെ നിരവധി ആളുകള് അഭിനന്ദിക്കുകയുണ്ടായി. ഇതാ താരത്തിന് അഭിനന്ദനവുമായി എത്തിയിരിക്കുകയാണ് തമിഴ് നടൻ വടിവേലു. ഈ ചിത്രത്തില് സൂര്യയുടെ അഭിനയവും ചലനങ്ങളും ഓാരോ പ്രേക്ഷകന്റെയും കണ്ണ് നനയിപ്പിക്കുമെന്ന് അദ്ദേഹം പറഞ്ഞു.
"തമ്പി സൂര്യയുടെ സൂരരൈ പോട്ര് എന്ന സിനിമ കണ്ടു. ചിത്രത്തിൽ ഓരോ തവണ സൂര്യ കരയുമ്പോഴും നമ്മുടെ കണ്ണും നിറയുന്നു. ഇങ്ങനൊരു മികച്ച ചിത്രം സമ്മാനിച്ച എല്ലാ അണിയറ പ്രവർത്തകർക്കും അഭിനന്ദനം", താരം കുറിച്ചു. സൂര്യയുടെ കരിയറിലെ മുപ്പത്തിയെട്ടാമത്തെ ചിത്രമാണ് സൂരരൈ പോട്ര്. അപർണ ബാലമുരളി, ഉർവശി എന്നിവരാണ് ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിച്ചത്.
