ജയ്പൂര്‍: ഇസ്ലാമിക് സ്റ്റഡീസിനുള്ള കേന്ദ്ര സര്‍വകലാശാലയുടെ എന്‍ട്രന്‍സ് പരീക്ഷയില്‍ ഉന്നത വിജയം നേടിയത് അനിസഌമിയായ യുവാവ്. ആള്‍വാറില്‍ നിന്നുള്ള ശുഭം യാദവ്. രാജ്യത്ത് തന്നെ പരീക്ഷയില്‍ ഉന്നത വിജയം നേടുന്ന ആദ്യ ഇസ്ലാമിക ഇതര യുവാവാണ് 21 കാരന്‍. ഡല്‍ഹി സര്‍വകലാശാലയില്‍ നിന്നും ഫിലോസഫിയില്‍ ബിരുദം നേടിയ ശുഭം ഇസ്ലാമതത്തെ ആഴത്തില്‍ അറിയുന്നതിനാണ് വിഷയം തെരഞ്ഞെടുത്തിരിക്കുന്നത്.
അനേകം ലോക നേതാക്കള്‍ ഈ മതത്തെക്കുറിച്ച് ഏറെ പറഞ്ഞിട്ടുണ്ടെന്നും അതാണ് ബിരുദാനന്തര ബിരുദത്തിന് ഈ വിഷയം എടുക്കുന്നതിനെ കുറിച്ച് ചിന്തിപ്പിച്ചതെന്നും യാദവ് പറയുന്നു. സമുദായങ്ങള്‍ തമ്മിലുള്ള ധ്രുവീകരണത്തിന് പകരം ജാതികളും മതങ്ങളും തമ്മിലുള്ള ഒരു പാലമായി തീരാന്‍ വേണ്ടിയാണ് താന്‍ വ്യക്തിപരമായി ആഗ്രഹിക്കുന്നതെന്നും ഇയാള്‍ ഒരു ദേശീയ മാധ്യമത്തോട് പറഞ്ഞു. ബിസിനസുകാരനായ പിതാവും വീട്ടമ്മയായ മാതാവുമാണ് ശുഭത്തിന്റെ ഊര്‍ജ്ജവും. പിതാവാണ് ഈ വിഷയം പഠിക്കാന്‍ തെരഞ്ഞെടുക്കാന്‍ തന്നെ ഏറ്റവും പിന്തുണയ്ക്കുന്നതെന്നും പറയുന്നു.
അതേസമയം ശുഭത്തിന് പഠിക്കേണ്ടി വരുന്നത് കശ്മീരിലാണെന്നത് മാതാപിതാക്കള്‍ക്ക് ആശങ്ക ഉണ്ടാക്കുന്നുണ്ട്. രാജ്യത്തെ 14 കേന്ദ്ര സര്‍വകലാശാലകളില്‍ കശ്മീരില്‍ മാത്രമാണ് ഇസ്ളാമിക പഠനം പഠിപ്പിക്കുന്ന കോളേജുകള്‍ ഉള്ളത്. അതേസമയം ശുഭം ഇസ്ലാമിക പഠനത്തില്‍ ഉപരിപഠനം ചെയ്യാന്‍ കശ്മീരിലേക്ക് പോകുമ്പോള്‍ അനേകം ഇസ്ലാമിക യുവാക്കളാണ് രാജസ്ഥാനിലെ ജഗദ്ഗുരു രാമാനന്ദാചാര്യ സംസ്‌കൃത സര്‍വകലാശാലയില്‍ പഠിക്കുന്നത്. അതേസമയം ഇസ്ളാമികള്‍ സംസ്‌കൃതവും ഹിന്ദുക്കള്‍ ഇസ്ളാമിക പഠനവും നടത്തുന്നത് നല്ല സൂചനയായി സര്‍വകലാശാകള്‍ വിലയിരുത്തുന്നു. രാജസ്ഥാന്‍ സര്‍വകലാശാലയിലെ ഉറുദു വിഭാഗത്തില്‍ രണ്ടു അസിസ്റ്റന്റ് പ്രാഫസര്‍മാര്‍ ഹിന്ദുക്കളാണ്.
Comments