തിരുവനന്തപുരം: നിയമസഭാ സമ്മേളനത്തിന് ഗവര്ണര് അനുമതി നല്കാത്ത സംഭവത്തില് പ്രതികരണവുമായി മിസോറാം ഗവര്ണര് പി എസ് ശ്രീധരന് പിള്ള. ആരിഫ് മുഹമ്മദ് ഖാന് നീതി ബോധമുള്ള ഗവര്ണറാണെന്ന് ശ്രീധരന് പിള്ള പറഞ്ഞു. ഗവര്ണര് വിവേചന അധികാരമാണ് ഉപയോഗിച്ചത്. ഗവര്ണര്മാര് അങ്ങനെ ഉപയോഗിക്കാറുണ്ടെന്നും അദേഹം പറഞ്ഞു.
പ്രധാനമന്ത്രി അടുത്താഴ്ച കേരളത്തിലെ ക്രിസ്തീയ സഭകളുമായി ചര്ച്ച നടത്തുമെന്ന് അദേഹം അറിയിച്ചു. പ്രശ്നങ്ങള് ചര്ച്ച ചെയ്ത് പരിഹരിക്കനാണ് ഓര്ത്തഡോക്സ്, യാക്കോബായ സഭ നേതാക്കളുമായി പ്രത്യേക ചര്ച്ച നടത്തുന്നത്. മറ്റ് സഭകളുമായി ജനുവരിയില് പ്രധാനമന്ത്രി ചര്ച്ച നടത്തുമെന്നും ശ്രീധരന് പിള്ള പറഞ്ഞു.
