ജയ്പൂര്: രാജസ്ഥാനില് കഴിഞ്ഞ ദിവസം കാണാതായ 11 കാരന്റെ മൃതദേഹം ചെവിയും മൂക്കും മുറിച്ച നിലയില് കണ്ടെത്തി. കുട്ടിയുടെ മരണം കൊലപാതകമാണെന്ന നിഗമനത്തിലാണ് പോലീസ്. ആള്വാര് നവാലി ഗ്രാമത്തിലാണ് സംഭവം.
കഴിഞ്ഞ ശനിയാഴ്ചയാണ് കുട്ടിയെ കാണാതാകുന്നത്. പിറ്റേ ദിവസം ദാരുണമായി കൊല്ലപ്പെട്ട കുട്ടിയുടെ മൃതദേഹം കണ്ടെത്തുകയായിരുന്നു. കൃഷിയിടത്തിലാണ് കുട്ടിയെ മരിച്ച നിലയില് കണ്ടെത്തിയത്. നരഹത്യ നടത്തിയതാണോ എന്ന സംശയത്തില് പൊലീസ് ആ വഴിക്കും അന്വേഷണം നടത്തുകയാണ്.
കുട്ടിയുടെ അച്ഛന്, ഇക്കാര്യത്തിൽ സംശയം പ്രകടിപ്പിച്ചു. കുട്ടിയെ ബന്ധുക്കളില് ചിലര് തട്ടിക്കൊണ്ടുപോയി കൊലപ്പെടുത്തി എന്നാണ് അച്ഛന്റെ പരാതിയില് പറയുന്നത്. പണത്തോടുള്ള ആര്ത്തിയാണ് കാരണമെന്നും പരാതിയിൽ പറയുന്നു. കേസില് ഉടന് തന്നെ പ്രതികളെ അറസ്റ്റ് ചെയ്യുമെന്ന് പൊലീസ് അറിയിച്ചു.
