ന്യൂഡല്ഹി: ചാണകം ഉപയോഗിച്ച് ഖാദി വകുപ്പ് വികസിപ്പിച്ച പെയിന്റ് ഇന്ന് കേന്ദ്രമന്ത്രി നിതിന് ഗഡ്കരി പുറത്തിറക്കും. പൂപ്പലിനെയും ബാക്ടീരിയയെയും പ്രതിരോധിക്കുന്നതും മണമില്ലാത്തതുമാണ് പെയിന്റ് എന്നും ഇതിന് ബി.ഐ.എസ്. അഗീകാരം ലഭിച്ചിട്ടുണ്ടെന്നും ഗഡ്കരിയുടെ ഓഫീസ് പ്രസ്താവനയില് അറിയിച്ചു.
'ഖാദി പ്രകൃതിക് പെയിന്റ്' എന്നാണ് പേരു നൽകിയിരിക്കുന്നത്. ഇക്കഴിഞ്ഞ മാർച്ചിലാണ് പദ്ധതി ആവിഷ്കരിച്ചത്. ജയ്പുരിലെ കെ.വി.ഐ.സി. യൂണിറ്റായ കുമരപ്പ നാഷണല് ഹാന്ഡ്മേഡ് പേപ്പര് ഇന്സ്റ്റിറ്റ്യൂട്ട് ഖാദി പ്രകൃതിക് പെയിന്റ് വികസിപ്പിക്കുകയായിരുന്നു.
ലെഡ്, മെര്ക്കുറി, ക്രോമിയം, ആഴ്സെനിക്, കാഡ്മിയം തുടങ്ങിയ ഘനലോഹങ്ങളുടെ സാന്നിധ്യം ഖാദി പ്രകൃതിക് പെയിന്റില് ഇല്ലെന്ന് കെ.വി.ഐ.സി. പറഞ്ഞു.
