കൊല്ലം: കൊല്ലത്തു ദുരൂഹസാഹചര്യത്തില് മരിച്ച നവവധു ആതിരയുടെ ഭര്തൃമാതാവിനെ തൂങ്ങി മരിച്ച നിലയില് കണ്ടെത്തി. വീടിനോട് ചേര്ന്ന മരത്തില് തുങ്ങി മരിച്ച നിലയിലാണ് മൃതദേഹം കണ്ടത്.
മരിച്ച ആതിരയുടെ ഭർത്തൃമാതാവ് സുനിത ഭവനില് ശ്യാമളയാണ് മരിച്ചത്. ആതിരയെ രണ്ടാഴ്ച മുന്പാണ് ഭര്തൃഗൃഹത്തിലെ കുളിമുറിയില് മരിച്ച നിലയില് കണ്ടെത്തിയത്.
കുളിമുറിയുടെ വാതില് തകര്ത്ത് മൃതദേഹം പുറത്തെടുക്കുമ്പോള് ആതിരയുടെ അമ്മയും സ്ഥലത്തുണ്ടായിരുന്നു. മരണത്തില് ദുരൂഹതയുണ്ടെന്ന് ആതിരയുടെ ബന്ധുക്കള് പൊലീസിനെ അറിയിച്ചിരുന്നു. ശ്യാമളയുടെ മരണം ആത്മഹത്യയാണെന്നാണ് പ്രാഥമിക നിഗമനം.
