‘എനിക്ക് എട്ട് വയസുള്ള സമയത്ത് സ്ഥലം ഏറ്റെടുത്ത് പണി തുടങ്ങിയ ഒരു പ്രോജക്ട് ആണിത്. എറണാകുളത്ത് നിന്ന് പുറക്കാട് ഉള്ള ബാപ്പയുടെ ഉമ്മയുടെ വീട്ടിലേക്കുള്ള യാത്രയില് എന്നും ഓര്ക്കും ഈ പ്രോജക്ട് ഇങ്ങിനെ നീണ്ടുപോകുന്നത് എന്തുകൊണ്ട് ആണെന്ന്.എനിക്ക് നാല്പത്തി എട്ടു വയസായ ഇക്കൊല്ലം എങ്കിലും ഈ പ്രോജക്ട് തീര്ന്നു കാണുന്നതില് സന്തോഷം.’ ആലപ്പുഴ ബൈപ്പാസ് നിര്മ്മാണത്തിനെടുത്ത കാലതാമസത്തെ ഓര്മ്മിപ്പിച്ച് മുഖ്യമന്ത്രി പിണറായി വിജയന്റെ പോസ്റ്റിനു താഴെ
നസീര് ഹുസൈന് കിഴക്കേടത്ത് എന്നയാൾ ഇട്ട കമന്റാണ് ഇത്. നസീറിന്റെ ഈ കമന്റിനു മാത്രം 2600 ലൈക്കാണ് ഇതിനോടകം ലഭിച്ചിരിക്കുന്നത്.
ഇന്ന് ഉച്ചയ്ക്ക് ഒരു മണിക്കാണ് ബൈപ്പാസ് പൊതുജനങ്ങള്ക്കായി തുറന്ന് നല്കുക.
