സ്റ്റഡ്സ് ആക്സസറീസ് ലിമിറ്റഡ് പുതിയ ജേഡ് D3 ഡെക്കര് ഹെല്മെറ്റ് വിപണിയിൽ അവതരിപ്പിച്ചു. ഗ്ലോസ്, മാറ്റ് എന്നിങ്ങനെ രണ്ട് വ്യത്യസ്ത ഫിനിഷ് ഓപ്ഷനുകളില് വിപണിയിൽ എത്തുന്ന ഹെല്മെറ്റിന് 1,195 രൂപയാണ് വില. വൈറ്റ് N2, ബ്ലാക്ക് N4, മാറ്റ് ബ്ലാക്ക്, N1, മാറ്റ് ബ്ലാക്ക് N2, മാറ്റ് ബ്ലാക്ക് N4, മാറ്റ് ബ്ലാക്ക് N12 എന്നിങ്ങനെ ആറ് വ്യത്യസ്ത കളര് ഡെക്കല് ഓപ്ഷനുകളില് ഹെല്മെറ്റ് സ്വന്തമാക്കാം.
നിയന്ത്രിത സാന്ദ്രത ഇപിഎസ്, ഹൈപ്പോ അലോര്ജെനിക് ലൈനര്, അള്ട്രാവയലറ്റ് റെസിസ്റ്റന്റ് പെയിന്റുള്ള ഉയര്ന്ന ഇംപാക്ട് ഔട്ടര് ഷെല്, ദ്രുത റിലീസ് ചിന് സ്ട്രാപ്പ് എന്നിവ ഹെല്മെറ്റിന് ലഭിക്കുന്നു. ഹെല്മെറ്റിന്റെ അള്ട്രാവയലറ്റ് റെസിസ്റ്റന്റ് പെയിന്റ് അതിന്റെ നിറം മങ്ങാതിരിക്കാന് സഹായിക്കുന്നു. റൈഡറുകള്ക്ക് കൂടുതല് സുരക്ഷ നല്കുന്ന ഹെൽമെറ്റാണ് ഇത്. ഇതിനായി ഈ ഹെല്മെറ്റിന്റെ പുറം ഷെല് ഒരു പ്രത്യേക ഹൈ-ഇംപാക്റ്റ് ഗ്രേഡ് തെര്മോപ്ലാസ്റ്റിക്ക് ഉപയോഗിച്ച് നിർമ്മിച്ചിരിക്കുന്നു.
മൂന്ന് വലുപ്പത്തിലുള്ള ഓപ്ഷനുകളിലാണ് ഹെൽമെറ്റ് എത്തുന്നത്. ഇടത്തരം (570 മില്ലീമീറ്റര്), വലിയ (580 മില്ലീമീറ്റര്), അധികം വലിയ (600 മില്ലീമീറ്റര്) എന്നിങ്ങനെയാണ് അളവുകള്. ഹെല്മെറ്റിന് ഉയര്ന്ന നിലവാരമുള്ള തുണികൊണ്ടുള്ള ആന്തരിക പാഡിംഗ് ലഭിക്കുന്നുവെന്നാണ് റിപ്പോർട്ട്.
