കായികപ്രേമികളെ ഹരം കൊള്ളിച്ച അതേ ശബ്ദം... അതേ ഷൈജു ദാമോദരൻ... അദ്ദേഹം ഇത്തവണ ഗോദയിൽ ഇറങ്ങിയിരിക്കുന്നത് ഒരു സേവ് ദ ഡേറ്റ് വിഡിയോയുടെ ശബ്ദമായാണ്.
പളപളാ മിന്നുന്ന പച്ചമുണ്ടിൽ വിജയം തങ്ങള്ക്കു തന്നെയെന്നുറപ്പിച്ച് കടന്നുവരുന്നത് ടീം മണവാളൻ. പച്ചമുണ്ട് കൊണ്ട് തങ്ങളുടെ മനക്കരുത്തിനെ വെല്ലുവിളിക്കാനാവില്ലെന്ന് ഉറക്കെ പ്രഖ്യാപിച്ച്, തോൽവിയെന്നത് വെറും കേട്ടുകേൾവിയാണെന്ന സൂചന നൽകിക്കൊണ്ട് ചുവപ്പിന്റെ ചോരത്തിളപ്പില് പോർക്കളത്തിലേക്ക് ടീം മണവാട്ടി...'
ഫോട്ടോഗ്രഫർ മിഥുൻ ദേവ് ഒരുക്കിയ പുതിയ സേവ് ദ ഡേറ്റ് വിഡിയോയിലാണ് വ്യത്യസ്തമായ ആശയം.
ശരത്തും അമൃതയുമാണ് മണവാളനും മണവാട്ടിയും. ഷൈജു ദാമോദരന്റെ തനത് ശൈലിയിൽ തന്നെയാണ് ഈ സേവ് ദ ഡേറ്റ് വിഡിയോയുടെയും കമന്ററി.
