ജനുവരിയില് ആഗോളതലത്തില് ഏറ്റവും കൂടുതല് ഡൗണ്ലോഡ് ചെയ്യപ്പെട്ട ആപ്പായി മരി ടെലഗ്രാം. ഇന്ത്യയില് ആണ് ഏറ്റവും കൂടുതല് പേര് ടെലഗ്രാം ഡൗണ്ലോഡ് ചെയ്തത്. സെന്സര് ടവര് പുറത്തുവിട്ട റിപ്പോര്ട്ടിലാണ് ഇക്കാര്യം സൂചിപ്പിക്കുന്നത്. പട്ടികയില് വാട്സ്ആപ്പിനെ പിന്തള്ളികൊണ്ടാണ് ടെലഗ്രാമിന്റെ വരവ്. നിലവില് വാട്സ്ആപ്പ് അഞ്ചാം സ്ഥാനത്താണുള്ളത്.
6.3 കോടിയാളുകളാണ് ടെലഗ്രം ഡൗണ്ലോഡ് ചെയ്തത്. ഇതില് 24 ശതമാനം ഇന്ത്യയില് നിന്നാണ്. ഇന്ത്യയില് ടെലഗ്രാമിന് ജനപ്രീതിയേറുന്നു എന്നതിന്റെ തെളിവാണ്. 3.8 ഇരട്ടി വര്ധനയാണ് ടെലഗ്രാം ഡൗണ്ലോഡ് ചെയ്തതില് ഉണ്ടായത്. ഏറ്റവും കൂടുതല് ആളുകള് ഡൗണ്ലോഡ് ചെയ്ത ആപ്പുകളില് രണ്ടാമത് ടിക് ടോക്കും, മൂന്നാമത് സിഗ്നലും ആണുള്ളത്. ഫെയ്സ്ബുക്ക് നലാം സ്ഥാനത്താണുള്ളത്.
വാട്സ്ആപ്പ് മൂന്നാം സ്ഥാനത്തു നിന്നാണ് അഞ്ചാം സ്ഥാനത്തേക്ക് പിന്തള്ളപ്പെട്ടത്. വാട്സ്ആപ്പിന്റെ പ്രൈവസി പോളിസിയുമായി ബന്ധപ്പെട്ട വിവാദവും ആശങ്കകളുമാണ് ഇതിന് കാരണമായതെന്നാണ് വിലയിരുത്തല്.
