രാജ്യത്തെ ബൈക്ക് ടാക്സി പ്ലാറ്റ്ഫോമായ റാപ്പിഡോ ആറ് പുതിയ നഗരങ്ങളില് കൂടി സേവനങ്ങള് ആരംഭിക്കാൻ പോകുന്നു. ബെംഗളൂരു, ഡല്ഹി, ഹൈദരാബാദ്, ചെന്നൈ, കൊല്ക്കത്ത, ജയ്പൂര് എന്നീ ആറ് ഇന്ത്യന് നഗരങ്ങളിലാണ് വാടക സേവനം ആരംഭിക്കുന്നതായി റാപ്പിഡോ പ്രഖ്യാപിച്ചത്. റാപ്പിഡോ ആണ് ഇന്ത്യയില് ബൈക്ക് ടാക്സികളുടെ കാര്യത്തില് വാടക സേവനങ്ങള് ആരംഭിക്കുന്ന ആദ്യ കമ്പനി.
വിവിധ സ്ഥലങ്ങളില് ജോലികള് എളുപ്പത്തിലാക്കാനും ഒന്നിലധികം ബുക്കിംഗുകളുടെ ബുദ്ധിമുട്ട് ഒഴിവാക്കുന്നതിനും സവാരി വരുന്നതുവരെ ഉപഭോക്താക്കളെ കാത്തിരിക്കുന്നതുമായ പ്രശ്നങ്ങൾ പരിഹരിക്കാനും ആണ് പുതിയ സേവനത്തിലൂടെ റാപ്പിഡോ ലക്ഷ്യമിടുന്നത്. കൂടാതെ, 1 മണിക്കൂര്, 2 മണിക്കൂര്, 3 മണിക്കൂര്, 4 മണിക്കൂര്, 6 മണിക്കൂര് എന്നിങ്ങനെ ഒന്നിലധികം ദൈര്ഘ്യ ഓപ്ഷനുകളുള്ള റാപ്പിഡോ റെന്റലിനു കീഴില് കമ്പനി വ്യത്യസ്ത പാക്കേജുകളും അവതരിപ്പിച്ചു.
ഉപഭോക്താവിനൊപ്പം യാത്രയിലുടനീളം ഒരു ക്യാപ്റ്റന് (റാപ്പിഡോ ഡ്രൈവര്-പങ്കാളി) ലഭ്യമാകും. ഒരു മണിക്കൂറിന് 99 രൂപയില് ആരംഭിച്ച് (10 കിലോമീറ്റര് ദൂരം) ആറ് മണിക്കൂറിന് 599 രൂപ വരെയാണ് (60 കിലോമീറ്റര് ദൂരം) നിരക്ക്. റാപ്പിഡോ ഓട്ടോ സര്വീസും അടുത്തിടെ കമ്പനി ആരംഭിച്ചിരുന്നു. കൊവിഡ്-19 സാഹചര്യത്തില് ദൈനംദിന യാത്രകള്ക്കായി ഓട്ടോകള് ബുക്ക് ചെയ്യാന് ആഗ്രഹിക്കുന്ന ഉപഭോക്താക്കൾക്ക് ഇത് ഉപയോഗപ്പെടുത്താം.
