കൊച്ചി: പ്രധാനമന്ത്രി നരേന്ദ്ര മോദി ഇന്നു കേരളത്തിൽ പങ്കെടുക്കുന്ന പരിപാടികളുടെ വേദികളിൽ ഇരിപ്പിടം നൽകാത്തതിൽ പ്രതിഷേധിച്ചു എറണാകുളത്തെ എംപി ഹൈബി ഈഡൻ പരാതി നൽകി.
എംപിമാരായ ഹൈബി ഈഡനും ബെന്നി ബഹനാനും സീറ്റ് നല്കിയില്ലെന്നാണ് പരാതി. ഇതിനെതിരെ ഹൈബി അവകാശലംഘനത്തിന് ലോക്സഭ സ്പീക്കർക്ക് നോട്ടീസ് നൽകി.
രാഷ്ട്രീയ താൽപര്യം മുൻനിർത്തി കേന്ദ്രമന്ത്രി വി മുരളീധരന് ഇരിപ്പിടം നൽകിയെന്നും പ്രധാനമന്ത്രി പങ്കെടുക്കുന്ന പരിപാടിയിൽ ജനപ്രതിനിധികളെ ബോധപൂർവ്വം ഒഴിവാക്കുന്നുവെന്നും ഹൈബി ഈഡൻ ആരോപിച്ചു. അതേസമയം ഹൈബിയെ വ്യക്തിപരമായി ചടങ്ങിലേക്ക് ക്ഷണിച്ചിരുന്നുവെന്ന് പെട്രോളിയം മന്ത്രി ധർമ്മേന്ദ്ര പ്രധാൻ പറഞ്ഞു.
കോൺഗ്രസും കോൺഗ്രസ് അനുബന്ധ തൊഴിലാളി സംഘടകളും ചടങ്ങ് ബഹിഷ്കരിക്കുമെന്ന് ഹൈബി ഈഡൻ അറിയിച്ചു.
