കോഴിക്കോട്: വിവിധ ആവശ്യങ്ങൾക്കായി സർക്കാർ ഓഫീസുകളിൽ ഇനി കാത്തു നിൽക്കുന്ന പതിവ് ഒഴിവാക്കാം. പുതിയ നീക്കവുമായി കോഴിക്കോട് ജില്ല ഭരണകൂടം.
ജില്ലാ ഭരണകൂടം തയാറാക്കിയ ‘നമ്മുടെ കോഴിക്കോട്’ മൊബൈൽ ആപ്ലിക്കേഷൻ വഴി ഇനി ഉദ്യോഗസ്ഥരുമായി സംസാരിക്കാം. പദ്ധതിയുടെ ആദ്യഘട്ടത്തിൽ കലക്ടറുടെ അപ്പോയ്ന്റ്മെന്റ് സൗകര്യവും ലഭ്യമാണ്.
അപ്ലിക്കേഷനിൽ കടന്ന ശേഷം 'ഒരു ഉദ്യോഗസ്ഥനെ കണ്ടുമുട്ടുക' എന്ന ഓപ്ഷൻ ക്ലിക്ക് ചെയ്ത് അതത് വകുപ്പും ഉദ്യോഗസ്ഥനെയും തിരഞ്ഞെടുത്ത് സൗകര്യപ്രദമായ സമയം, മീറ്റിങ്ങിനുള്ള ആവശ്യം എന്നിവ രേഖപ്പെടുത്തുക. വോയിസ് കോളും വീഡിയോ കോളും ലഭ്യമാണ്.
