ഹൈദരാബാദ്: മുന് പ്രധാനമന്ത്രി പി.വി നരസിംഹ റാവുവിന്റെ മകള് സുരഭി വാണി ദേവി ടി.ആര്.എസ് പാര്ട്ടിയില്. ടി.ആര്.എസ് ലെജിസ്ലേറ്റീവ് കൗണ്സില് സ്ഥാനാര്ത്ഥിയാകും. മഹാബുനഗര്-രംഗറെഡ്ഡി- ഹൈദരാബാദ് ഗ്രാജ്വേറ്റ് മണ്ഡലത്തില് നിന്നായിരിക്കും സുരഭി വാണി മത്സരിക്കുക. മാര്ച്ച് 14നായിരിക്കും തിരഞ്ഞെടുപ്പ്.
കലാകാരിയും അധ്യാപികയുമാണ് സുരഭി വാണി. കഴിഞ്ഞ വര്ഷം നരസിംഹ റാവുവിന്റെ അനുസ്മരണ ചടങ്ങില് മുഖ്യമന്ത്രി കെ.ചന്ദ്രശേഖര റാവു പുകഴ്ത്തിയപ്പോള് തന്നെ അദ്ദേഹത്തിന്റെ കുടുംബത്തെ ടി.ആര്.എസിലേക്ക് ആകര്ഷിക്കാനുള്ള സൂചന വന്നിരുന്നു. തെലങ്കാനയുടെ പ്രിയപ്പെട്ട പുത്രന് എന്നായിരുന്നു കെ.സി.ആര് റാവുവിനെ സംബോധന ചെയ്തത്.
