റിയൽമി നാർസോ 30 ശ്രേണിയിലെ നാർസോ 30 പ്രോ 5ജി, നാർസോ 30A സ്മാർട്ട്ഫോണുകൾ വിപണിയിൽ അവതരിപ്പിച്ചു. റിയൽമി പുത്തൻ സ്മാർട്ട്ഫോൺ ശ്രേണിയായ നാർസോ 10 കഴിഞ്ഞ വർഷം മെയ് മാസത്തിലാണ് അവതരിപ്പിച്ചത്. സെപ്റ്റംബറിൽ നാർസോ 20 ശ്രേണിയിൽ മൂന്ന് ഫോണുകൾ കമ്പനി അവതരിപ്പിച്ചു. ഇപ്പോളിതാ റിയൽമി നാർസോ 30 ശ്രേണിയും എത്തി.
റിയൽമി നാർസോ 30 പ്രോ 5ജിയുടെ 6 ജിബി റാം + 64 ജിബി സ്റ്റോറേജ് വേരിയന്റിന് 16,999 രൂപയും 8 ജിബി റാം + 128 ജിബി സ്റ്റോറേജ് മോഡലിന് 19,999 രൂപയുമാണ് വില. നാർസോ 30 പ്രോ 5ജിയുടെ വില്പന മാർച്ച് 4-ന് ഉച്ചയ്ക്ക് 12 മണി മുതൽ ഫ്ലിപ്കാർട്ട്, റിയൽമി.കോം വെബ്സൈറ്റുകൾ മുഖേന ആരംഭിക്കും. ഐസിഐസിഐ ബാങ്ക് കാർഡുകൾ ഉപയോഗിച്ച് നാർസോ 30 പ്രോ 5ജി വാങ്ങുമ്പോൾ 1000 രൂപ ഇൻസ്റ്റന്റ് ക്യാഷ്ബാക്ക് ആയി ലഭിക്കും. സ്വേഡ് ബ്ലാക്ക്, ബ്ലെയ്ഡ് സിൽവർ നിറങ്ങളിൽ ഫോൺ സ്വന്തമാക്കാം.
നാർസോ 30Aയുടെ 3 ജിബി റാം + 32 ജിബി സ്റ്റോറേജ് പതിപ്പിന് 8,999 രൂപയും 4 ജിബി റാം + 64 ജിബി സ്റ്റോറേജ് പതിപ്പിന് 9,999 രൂപയുമാണ് വില. ലേസർ ബ്ലാക്ക്, ലേസർ ബ്ലൂ നിറങ്ങളിൽ സ്മാർട്ട്ഫോൺ വാങ്ങാം. ഫോണിന്റെ വില്പന മാർച്ച് അഞ്ചിനാണ് ആരംഭിക്കുക.
6.5 ഇഞ്ച് ഫുൾ എച്ച്ഡി + (1,080x2,400 പിക്സൽ) ഡിസ്പ്ലേയാണ് നാർസോ 30 പ്രോ 5ജിയ്ക്ക്. 20:9 ആസ്പെക്ട് റേഷ്യോ, 120Hz റിഫ്രഷ് റേറ്റ്, 600 നിറ്റ് പീക്ക് ബ്രൈറ്റ്നെസ്സും ഈ ഡിസ്പ്ലേയ്ക്കുണ്ട്. ആൻഡ്രോയിഡ് 10 അടിസ്ഥാനമായ റിയൽമി യുഐ ഓപ്പറേറ്റിംഗ് സിസ്റ്റത്തിലാണ് ഇത് പ്രവർത്തിക്കുന്നത്. ഒക്ടാകോർ മീഡിയടെക് ഡൈമെൻസിറ്റി 800U SoC പ്രോസസ്സർ 8 ജിബി വരെ എൽപിഡിഡിആർ4എക്സ് റാമുമായി ചേർന്ന് പ്രവർത്തിക്കുന്നു. 65 മിനുട്ടിൽ പൂർണമായും ചാർജ് ചെയ്യാവുന്ന 30W ചാർജിങ് സപ്പോർ9ട്ടുള്ള 5,000 എംഎഎച്ച് ബാറ്ററിയാണ് ഫോണിന്. 48 മെഗാപിക്സൽ പ്രൈമറി സെൻസർ, അൾട്രാ വൈഡ് ആംഗിൾ ലെൻസുള്ള 8 മെഗാപിക്സൽ സെക്കൻഡറി സെൻസർ, 2 മെഗാപിക്സൽ മാക്രോ ഷൂട്ടർ എന്നിവ ഉൾപ്പെടുന്ന ട്രിപ്പിൾ റിയർ ക്യാമറയാണ് സ്മാർട്ട്ഫോണിന്. സെൽഫികൾക്കും വീഡിയോ ചാറ്റുകൾക്കുമായി, മുൻവശത്ത് 16 മെഗാപിക്സൽ സെൽഫി ക്യാമറയും നൽകിയിരിക്കുന്നു.
ആൻഡ്രോയിഡ് 10 അടിസ്ഥാനമായ റിയൽമി യുഐ ഓപ്പറേറ്റിംഗ് സിസ്റ്റത്തിൽ ആണ് നാർസോ 30A-യും പ്രവർത്തിക്കുന്നത്. 20:9 ആസ്പെക്റ്റ് റേഷ്യോയുള്ള 6.5 ഇഞ്ച് എച്ച്ഡി + (720x1,600 പിക്സൽ) ഡിസ്പ്ലേയാണ് ഫോണിന്. 570 നിറ്റ് പീക്ക് ബ്രൈറ്റ്നെസ്സും ഈ ഡിസ്പ്ലേയ്ക്കുണ്ട്. ഒക്ട-കോർ മീഡിയടെക് ഹീലിയോ G85 SoC ആണ് കറുത്ത്. 64 ജിബി വരെയുള്ള ഇന്റേണൽ സ്റ്റോറേജ് മൈക്രോ എസ്ഡി കാർഡ് വഴി വർദ്ധിപ്പിക്കാം. 18W ഫാസ്റ്റ് ചാർജിംഗിനും റിവേഴ്സ് ചാർജിംഗിനും പിന്തുണ നൽകുന്ന 6,000 എംഎഎച്ച് ബാറ്ററിയാണ് നർസോ 30A-യിൽ. 13 മെഗാപിക്സൽ പ്രൈമറി സെൻസർ മോണോക്രോം പോർട്രെയിറ്റ് സെൻസറും ചേർന്ന ഡ്യുവൽ റിയർ ക്യാമറാണ് നാർസോ 30A-യിൽ. മുൻവശത്ത് 8 മെഗാപിക്സൽ സെൽഫി ക്യാമറയും നൽകിയിട്ടുണ്ട്.
