കൊച്ചി: സീറോ മലബാര് സഭ മേജര് ആര്ച്ച് ബിഷപ് കര്ദിനാള് മാര് ജോര്ജ് ആലഞ്ചേരിയുമായി ബി.ജെ.പി നേതാക്കള് കൂടിക്കാഴ്ച നടത്തി. ബി.ജെ.പി സംസ്ഥാന അധ്യക്ഷന് കെ.സുരേന്ദ്രന്, കര്ണാടക ഉപമുഖ്യമന്ത്രി ഡോ.സി.എന്അശ്വത്ത് നാരായണ് എന്നിവരാണ് കെ.സി.ബി.സി ആസ്ഥാനത്ത് എത്തി കൂടിക്കാഴ്ച നടത്തിയത്.
സൗഹൃദ കൂടിക്കാഴ്ചയാണെന്നും രാഷ്ട്രീയം ചര്ച്ച ചെയ്തിട്ടില്ലെന്നുമാണ് കെ.സുരേന്ദ്രന്റെ പ്രതികരണം. എല്ലാവരുമായി നല്ല സൗഹൃദത്തിലാണ് ബി.ജെ.പി സംസ്ഥാനത്ത്. വിജയയാത്രയുമായി ബന്ധപ്പെട്ട് എറണാകുളത്ത് വന്നപ്പോള് കൂടിക്കാഴ്ച നടത്തിയതാണെന്നും സുരേന്ദ്രന് പറഞ്ഞു. സംസ്ഥാനത്ത് നിയമസഭ തിരഞ്ഞെടുപ്പ് പ്രഖ്യാപിച്ച സാഹചര്യത്തില് കൂടിക്കാഴ്ചയ്ക്ക് വലിയ രാഷ്ട്രീയ പ്രാധാന്യമുണ്ട്.
കര്ണാടകയില് ഉന്നത വിദ്യാഭ്യാസം, ഐ.ടി ബയോടെക്നോളജി, ശാസ്ത്ര സാങ്കേതിക വിദ്യ, നൈപുണ്യ വികസനം, സംരംഭകത്വം തുടങ്ങിയ വകുപ്പുകള് കൈകാര്യം ചെയ്യുന്നത സി.എന് അശ്വത്ത് നാരായണനാണ്.
