ചെന്നൈ: തമിഴ്നാട് നിയമസഭാ തിരഞ്ഞെടുപ്പില് ടി.ടി.വി. ദിനകരന്റെ അമ്മ മക്കള് മുന്നേറ്റ കഴകം (എ.ഐ.എം.കെ.) പാര്ട്ടിയുമായി സഖ്യമുണ്ടാക്കാനൊരുങ്ങി അസദുദ്ദീന് ഒവൈസിയുടെ മസ്ലിദ് പാര്ട്ടി (എ.ഐ.എം.കെ.). സീറ്റു വിഭജന ചര്ച്ചകളില് മസ്ലിദ് പാര്ട്ടി മൂന്നു മണ്ഡലങ്ങളില് മത്സരിക്കാന് ധാരണയയായി. നേരത്തെ ഡി.എം.കെ.-കോണ്ഗ്രസ് സഖ്യത്തിനൊപ്പം ചേരാന് ഒവൈസിയുടെ പാര്ട്ടി താത്പര്യം പ്രകടിപ്പിച്ചിരുന്നെങ്കിലും ഇന്ത്യന് യൂണിയന് മുസ്ലീം ലീഗിന്റെയും മനിതനേയ മംക്കള് പാര്ട്ടിയുടെയും എതിര്പ്പിനെത്തുടര്ന്ന് ഇതുപേക്ഷിക്കുകയായിരുന്നു.
എ.എം.എം.കെ.ക്കൊപ്പം വാണിയമ്പാടി, കൃഷ്ണഗിരി, ശങ്കരപുരം എന്നീ മൂന്ന് സീറ്റുകളിലാണ് മസ്ലിദ് പാര്ട്ടി മത്സരിക്കുക. നേരത്തെ മത്സരിക്കാന് ആഗ്രഹിക്കുന്ന 20 സീറ്റുകളുടെ പട്ടിക എ.ഐ.എം.ഐ.എം. തമിഴ്നാട് ഘടകം ഒവൈസിക്ക് കൈമാറിയിരുന്നു. ഇതോടെ തമിഴ്നാട്ടില് മത്സരിക്കുമെന്ന് പാര്ട്ടി അദ്ധ്യക്ഷന് ഒവൈസി പ്രഖ്യാപിച്ചു. പ്രഖ്യാപനം നേരത്തെ വന്നെങ്കിലും സഖ്യചര്ച്ചകള് സംബന്ധിയക്കുന്ന വിവരങ്ങള് ഇപ്പോഴാണ് പുറത്തുവിടുന്നത്.
