ന്യൂഡല്ഹി: ലൈഫ് മിഷന് അഴിമതി കേസില് സി.ബി.ഐ. അന്വേഷണം വേണ്ടെന്ന ആവശ്യവുമായി യൂണിടാക് എം.ഡി. സന്തോഷ് ഈപ്പന് സുപ്രീം കോടതിയെ സമീപിച്ചു. ഇതോടെ ഹര്ജിയില് കേന്ദ്ര-സംസ്ഥാന സര്ക്കാരുകള്ക്കും സി.ബി.ഐ.ക്കും നോട്ടീസ് അയച്ചിരിക്കുകയാണ് സുപ്രീം കോടതി. സി.ബി.ഐ. അന്വേഷണത്തിന് ഉത്തരവിട്ട ഹൈക്കോടതി വിധിക്കെതിരെ സംസ്ഥാന സര്ക്കാരും സുപ്രീം കോടതിയെ സമീപിച്ചിരുന്നു. സര്ക്കാര് സമര്പ്പിച്ച ഹര്ജി പരിഗണിക്കുന്നതോടൊപ്പം സന്തോഷ് ഈപ്പന് സമര്പ്പിച് ഹര്ജിയും പരിഗണിക്കാനാണ് സുപ്രീം കോടതിയുടെ തീരുമാനം.
കേന്ദ്ര ഏജന്സികള് അന്വേഷണത്തിന്റെ പേരില് പരിദാകള് ലംഘിക്കുകയാണെന്നു ചൂണ്ടിക്കാട്ടി സര്ക്കാര് നേരത്തെ സി.ബി.ഐ. അന്വേഷണത്തിനെയതിരെ കോടതിയെ സമീപിച്ചിരുന്നു. പാവപ്പെട്ട ആളുകള്ക്ക് വീടുവെച്ചു കൊടുക്കുന്ന പദ്ധതിയാണ് ലൈഫ് മിഷന് നടപ്പാക്കുന്നതെന്നും സര്ക്കാര് കോടതിയെ അറിയിച്ചു. എന്നാല് പദ്ധതിയില് ക്രമക്കേട് നടന്നതിനുള്ള തെളിവായി സി.ബി.ഐ. ചൂണ്ടിക്കാണിക്കുന്നത് വിജിലന്സ് അന്വേഷണമാണ്. തെറ്റുപറ്റിയിട്ടിള്ളെങ്കില് എന്തിനാണ് ഈ കേസ് വിജിലന്സ് അന്വേഷിക്കുന്നതെന്നും സി.ബി.ഐ. സര്ക്കാരിനോട് ചോദിച്ചു.
