ടൊവിനോ തോമസിനെ നായകനാക്കി രോഹിത് വി.എസ്. സംവിധാനം ചെയ്യുന്ന 'കള' മാര്ച്ച് 25 ന് വേള്ഡ് വൈഡ് റിലീസ് ചെയ്യും. ചിത്രത്തില് വയലന്സ് രംഗങ്ങള് ഉള്പ്പെട്ടിട്ടുള്ളതിനാല് എ സര്ട്ടിഫിക്കറ്റാണ് സെന്സര് ബോര്ഡ് നല്കിയിരിക്കുന്നത്.
ടൊവിനോയുടെ കരിയറിലെ നിര്ണായക സിനിമകളിലൊന്നായാണ് ചിത്രം വിലയിരുത്തപ്പെടുന്നത്. ഈ സിനിമയുടെ സംഘട്ടന രംഗ ചിത്രീകരണത്തിനിടെ ടൊവിനോ തോമസിന് പരുക്കേറ്റിരുന്നു. പിന്നീട് ആഴ്ചകള് നീണ്ട വിശ്രമത്തിനു ശേഷമാണ് ഷൂട്ടിങ് പൂര്ത്തീകരിച്ചത്.
ത്രില്ലര് സ്വഭാവത്തില് ഒരുക്കിയിരിക്കുന്ന ചിത്രം 97കാലഘട്ടത്തില് നടക്കുന്ന കഥയാണ് പറയുന്നത്. ടൊവിനോ തോമസിനെ കൂടാതെ ലാല്, ദിവ്യ പിള്ള, ആരിഷ്, മൂര് തുടങ്ങിയവര് മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ബാസിഗര് എന്ന പേരുള്ള നായയും ചിത്രത്തില് പ്രധാന കഥാപാത്രമാണ്. മനുഷ്യനും പ്രകൃതിയുമാണ് സിനിമയുടെ തീം. ജുവിസ് പ്രൊഡക്ഷന്സാണ് നിര്മാണം. യദു പുഷ്പകരനും, രോഹിത് വി.എസും ചേര്ന്നാണ് തിരക്കഥ ഒരുക്കിയിരിക്കുന്നത്. അഡ്വഞ്ചേഴ്സ് ഓഫ് ഓമനക്കുട്ടന്, ഇബ് ലീസ് എന്നീ ചിത്രങ്ങള്ക്ക് ശേഷം രോഹിത് വി.എസ് ഒരുക്കുന്ന മൂന്നാമത്തെ ചിത്രമാണ് 'കള'.
