ന്യൂഡല്ഹി : ഓണ്ലൈന് തട്ടിപ്പുകള് കൊണ്ട് നിരവധി ആളുകള്ക്ക് പണം നഷ്ടപ്പെട്ടു എന്ന വാര്ത്ത ദിനംപ്രതി നമ്മള് കേള്ക്കുന്നു. ഇപ്പോള് ആദായനികുതി വകുപ്പും എസ് ബി ഐ അടക്കമുള്ള ബാങ്ക് ഇടപാടുകാര്ക്ക് മുന്നറിയിപ്പുമായി രംഗത്ത് വന്നിരിക്കുകയാണ്. ടാക്സ് റീഫണ്ട് നല്കാമെന്ന് പറഞ്ഞ് വരുന്ന ലിങ്ക്ല് ക്ലിക്ക് ചെയ്താല് പണം ന്ടമാകുമെന്നതാണ് പുതിയ മുന്നറിയിപ്പ്.
സ്റ്റേറ്റ് ബാങ്ക് ഓഫ് ഇന്ത്യ, ഐസിഐസി ഐ, എച്ച് ഡി എഫ് സി, ആക്സിസ് ബാങ്ക്, പഞ്ചാബ് നാഷണല് ബാങ്ക് എന്നീ ബാങ്കുകളിലെ ഇടപാടുകാരെയാണ് പ്രധാനമായി തട്ടിപ്പുകാര് ലക്ഷ്യമിട്ടിരിക്കുന്നത്. ടാക്സ് റീഫണ്ട് എന്ന സന്ദേശത്തിലൂടെ ഒരു ടെക്സ്റ്റ് മെസേജും അതിലൊരു ലിങ്കും ഉണ്ടാവും. ലിങ്ക് ക്ലിക്ക് ചെയ്ത് അപേക്ഷ പൂരിപ്പിക്കാനാണ് പറയുക. അതില് ക്ലിക്ക് ചെയ്ത് എത്തുന്ന്ത് ആദായനികുതി വകുപ്പിന്റെ എന്ന് തോന്നിക്കുന്ന വ്യാജ വെബ്സൈറ്റിലാണ്.
വ്യാജ അപേക്ഷയില് പാന്, ആധാര് കാര്ഡ് , ബാങ്ക് തുടങ്ങി വ്യക്തിഗത വിവരങ്ങള് നല്കുന്നവര്ക്ക് സാമ്പത്തീക നഷ്ടമുണ്ടാകുമെന്നാണ് റിപ്പോര്ട്ടുകള് പറയുന്നത്. വ്യാജ ഇ-മെയില്, ടെക്സ്റ്റ് മെസേജ് എന്നിങ്ങനെ സൈബര് തട്ടിപ്പിനുപയോഗിക്കുന്ന ഫിഷിങ്ങ് രീതിയാണ് ഇതിന് ഉപയോഗിക്കുന്നത്.
