തിരുവനന്തപുരം : നിയമസഭാ തിരഞ്ഞെടുപ്പില് ഇടത്പക്ഷത്തിന് ബിജെപിയുമായി രഹസ്യ പിന്തുണയുണ്ടന്ന് നടന് ജഗദീഷ്. ഇടത്പക്ഷത്തുള്ള സിനിമാപ്രവര്ത്തകര് ഇക്കാര്യം തന്നോട് പറഞ്ഞിട്ടുണ്ടന്നും താരത്തിന്റെ വെളിപ്പെടുത്തല്. അഴിമതിയില് മുങ്ങിക്കുളിച്ച ഭരണമാണ് ഇപ്പോള് നടക്കുന്നതെന്നും അദ്ദേഹം ആരോപിച്ചു.
കേരളത്തില് സംഭവിച്ച പ്രകൃതി ദുരന്തങ്ങള്ക്കും കോവിഡെന്ന മഹാമാരിക്ക് സാക്ഷ്യം വഹിച്ചപ്പോളും ഇവിടുത്തെ പ്രതിപക്ഷവും കേരളാ ജനതയും സര്ക്കാരിന് പിന്തുണ നല്കിയിരുന്നു. മുഖ്യമന്ത്രിയുടെ പ്രിന്സിപ്പല് സെക്രട്ടറി ഉല്പ്പെട്ട അഴിമതി ആരോപണങ്ങള് മേല്ത്തട്ട് അഴിമതി തന്നെയാണ്. അതറിഞ്ഞില്ല എന്ന് പറയുന്നത് മല്ല ഭരണാധികാരിയുടെ ലക്ഷണമല്ലെന്നും ജഗദീഷ് പറഞ്ഞു.
സ്പ്രിങ്കളര് ഉള്പ്പെടെ അഴിമതിയാരോപണങ്ങള് വരുമ്പോള് മുതല് ഉത്തരം മുട്ടുന്ന രീതികളാണ് മുഖ്യമന്ത്രി സ്വീകരിച്ചിരുന്നത്. ട്രെയിനപകടം ഉണ്ടായപ്പോള് അതിന്റെ ധാര്മ്മിക ഉത്തരവാദിത്വം ഏറ്റെടുത്ത് രാജിവച്ച മുഖ്യമന്ത്രിമാരുടെ നാടാണിതെന്നും ജഗദീഷ് കൂട്ടിച്ചേര്ത്തു. കോളേജ് അധ്യാപകനായ താന് ഏത്രയോ കാലമായി കാലിക്കറ്റ്, കാലടി സര്വകാലാശാലയിലെ പിന്വാതില് നിയമനത്തെക്കുറിച്ച് കേള്ക്കുന്നു. സ്വര്ണകടത്ത് കേസില് കേന്ദ്ര ഏജന്സികളെ കൊണ്ടുവന്നത് മുഖ്യമന്ത്രി ആണ്. സര്ക്കാരിനെ ആവശ്യമില്ലാതെ ഏതെങ്കിലും ഒരു ഏജന്സി കളങ്കപ്പെടുത്തുമെന്ന് കരുതുന്നില്ലായെന്നും ജഗദീഷ് പറഞ്ഞു.
കഴിഞ്ഞ തിരഞ്ഞെടുപ്പില് പത്തനാപുരത്തുനിന്ന് യുഡിഎഫ് സ്ഥാനാര്ഥിയായി മല്സരിച്ച ജഗദീഷ് പാര്ട്ടിക്കുവേണ്ടി തിരഞ്ഞെടുപ്പ് പ്രചരണങ്ങളില് സജീവമായിട്ടുണ്ട്. മത്സരിക്കാന് താത്പര്യമില്ലെന്ന് നേതൃത്ത്വത്തെ അറിയിച്ചിരുന്നു.
