ന്യൂഡൽഹി : ആധാറും പാന് കാര്ഡും തമ്മില് ബന്ധിപ്പിക്കുന്നതിനുള്ള അന്തിമ തീയതി 2021 മാര്ച്ച് 31 വരെയാണ്. ഇതിനുള്ളിൽ പാൻ കാർഡും ആധാറുമായി ബന്ധിപ്പിച്ചില്ലെങ്കിൽ ഏപ്രിൽ 1 മുതൽ പാൻ കാർഡ് പ്രവർത്തിപ്പിച്ചേക്കില്ല.
കൂടാതെ പിഴയും നൽകേണ്ടി വരും. പത്ത് തവണയോളം ഇതുവരെ തീയതി പല ഘട്ടങ്ങളിലായി നീട്ടി നല്കിയതിനാൽ ഇനിയും സമയം നീട്ടി ലഭിച്ചേക്കില്ല. സമയ പരിധിക്കകം ബന്ധിപ്പിക്കല് നടന്നിട്ടില്ലെങ്കില് അത്തരം പാന് നമ്പറുകള് തത്കാലത്തേയ്ക്ക് പ്രവര്ത്തന രഹിതമാകും. ഐ ടി ആക്ട് സെക്ഷന് 272 ബി അനുസരിച്ച് 10,000 രൂപ വരെ പിഴ ചുമത്താവുന്ന കുറ്റവുമാണിത്.
കാര്ഡ് പ്രവര്ത്തന രഹിതമായാല് വാഹനങ്ങളുടെ വാങ്ങല്, വില്പന, ക്രെഡിറ്റ് കാര്ഡ്, ഡെബിറ്റ് കാര്ഡ്, ഡീമാറ്റ് അക്കൗണ്ട് എന്നിവയടക്കം 18 സാമ്പത്തിക ഇടപാടുകള് നടക്കാതാവും.
