ഛത്തീസ്ഗഢ് : അമിതമായ മദ്യപാനത്തില് ബോധം നഷ്ടപ്പെട്ട് കുഞ്ഞിനെ മുലയൂട്ടാന് മറന്ന് അമ്മ. വിശന്നു തളര്ന്ന് കുഞ്ഞ് മരണത്തിന് കീഴടങ്ങി. ഛത്തീസ്ഗഢിലെ ധംതാരി ജില്ലയിലെ സുന്ദര്ഗഞ്ച് എന്ന സ്ഥലത്താണ് കേസിനാസ്പദമായ സംഭവം നടന്നത്. ഒരു മോട്ടോര് മെക്കാനിക്കിന്റെ ഭാര്യയായ സ്ത്രീക്കാണ് അമിതമായ മദ്യപാനം കാരണം തന്റെ കുഞ്ഞിന് ആവശ്യമായ പരിപാലനം നല്കാന് കഴിയാതെ വന്നത് എന്ന് പോലീസ് പറയുന്നു
വൈകിട്ട് മദ്യപിച്ചു തുടങ്ങിയ സ്ത്രീ രാത്രി വൈകിയും അത് തുടര്ന്നു. ഇതിനിടയില് കുഞ്ഞിനെക്കുറിച്ച് ഇവര് മറന്നുപോയി. ജോലി സംബന്ധമായി ഭര്ത്താവ് പുറത്ത് പോയിരുന്ന ഈ അവസരത്തിലാണ് സംഭവം നടന്നത്. കുടിച്ച് ബോധംപോയി അവര് ഉറക്കത്തിലായി . രാവിലെയും കുഞ്ഞിന്റെ കരച്ചില് കേള്ക്കാതെയായതോടെ അയല്ക്കാര് വന്നു നോക്കിയപ്പോള് ആണ് കുഞ്ഞ് മരിച്ചു കിടക്കുന്നത് കണ്ടത്. ദമ്പതികളുടെ ആദ്യകുഞ്ഞായിരുന്നു മരണപ്പെട്ടത്.
അമ്മയുടെ അമിതമായ മദ്യപാന ശീലത്തെക്കുറിച്ച് ബോധ്യമുണ്ടായിരുന്ന ചില അയല്പക്കക്കാര് വീട്ടിലെത്തിയപ്പോള് മരിച്ചു കിടക്കുന്ന കുഞ്ഞിനെയാണ് കണ്ടത്. മദ്യപിച്ച് പരിസര ബോധം ഇല്ലാത്ത അമ്മ സംസാരിക്കാന് കഴിയുന്ന ഒരു അവസ്ഥയില് ആയിരുന്നില്ല എന്ന് പോലീസും സാക്ഷ്യപ്പെടുത്തുന്നു. കേസ് സംബന്ധിച്ച് അന്തിമ റിപ്പോര്ട്ട് ധംതാര പോലീസ് ഇതുവരെ വരെ ഫയല് ചെയ്തിട്ടില്ല. സംഭവത്തെ കുറിച്ചുള്ള ഞെട്ടല് ഇതുവരെ പൊലീസിനും മാറിയിട്ടില്ല.
.
