അനധികൃത സ്വത്ത് സമ്പാദനക്കേസുമായി ബന്ധപ്പെട്ട്
അഴീക്കോട് എം.എല്.എ കെ.എം ഷാജിയുടെ വീട്ടില് വിജിലൻസ് റെയ്ഡ്. ഷാജിയുടെ കോഴിക്കോട്ടെ വീട്ടിലാണ് റെയ്ഡ് നടക്കുന്നത്.
വിജിലൻസ് എസ്.പി ശശിധരന്റെ നേതൃത്വത്തിലാണ് റെയ്ഡ് നടക്കുന്നത്.
ഇതിനിടെ,അനധികൃതമായി ഒരു സ്വത്തും തന്റെ പേരിലില്ലെന്നും വിജിലൻസ് തന്നെ പിന്തുടരുന്നതിന് പിന്നിൽ മുഖ്യമന്ത്രിയാണെന്നും കെ.എം ഷാജി ആരോപിച്ചിരുന്നു. തന്റെ സ്വത്തുക്കള് സംബന്ധിച്ച് കൃത്യമായ വിവരങ്ങള് കൈവശമുണ്ട്. അത് അന്വേഷണ വിധേയമാക്കാന് തയ്യാറാണെന്നും ഷാജി വ്യക്തമാക്കി. പക്ഷെ ഇതൊന്നും സത്യസന്ധമായ അന്വേഷണമല്ല. തന്നെ കുടുക്കാന് വേണ്ടി നടക്കുന്ന അന്വേഷണമാണ്. അതിനു മുന്നില് മുട്ടുമടക്കി നില്ക്കാതെ നിയമപരമായി തന്നെ നേരിടുമെന്നും ഷാജി വ്യക്തമാക്കിയിരുന്നു.
പൊതുപ്രവർത്തകനായ അഡ്വ.എം.ആര്.ഹരീഷ് നല്കിയ പരാതിയെ തുടര്ന്നാണ് കെ.എം ഷാജിക്കെതിരെ വിജിലന്സിന്റെ സ്പെഷ്യല് യൂണിറ്റ് അന്വേഷണം നടത്തിയത്.
