തിരുവനന്തപുരം: വളരെ അത്യാവശ്യ ഘട്ടങ്ങളില് മെഡിക്കല് ഷോപ്പുകളില് നിന്ന് മരുന്ന് വാങ്ങി വീട്ടിലെത്തിക്കാന് പോലീസിന്റെ സഹായം ആവശ്യപ്പെടാമെന്ന് മുഖ്യമന്ത്രി പിണറായി വിജയന്.
വളരെ അത്യാവശ്യഘട്ടത്തില് മെഡിക്കല് ഷോപ്പുകളില് നിന്ന് മരുന്നുകള് വാങ്ങിക്കാന് പോലീസന്റെ സഹായം തേടാം. ഇതിനായി പോലീസ് ആസ്ഥാനത്തെ പോലീസ് കണ്ട്രോള്റൂമില് 112 എന്ന നമ്പറില് ഏത് സമയവും ബന്ധപ്പെടാം' മുഖ്യമന്ത്രി കൂട്ടിച്ചേര്ത്തു.
അതേസമയം പോലീസിന്റെ ടെലി മെഡിസിന് ആപ്പായ ബ്ലൂടെലിമെഡിസിന്റെ സേവനം പൊതുജനങ്ങള്ക്ക് കൂടി ലഭ്യമാക്കാന് നിര്ദേശം നല്കി. ആശുപത്രികളില് പോകാതെ തന്നെ വിദഗ്ദ്ധരായ ഡോക്ടര്മാരുടെ സേവനം ഈ ആപ്പ് മുഖേന ലഭിക്കും. കോവിഡിന് മാത്രമല്ല അസുഖങ്ങള്ക്കും ഇത് ഉപയോഗിക്കാം. ആപ്പിലെ ഡോക്ടര്മാരുടെ പട്ടികയില് നിന്ന് ആവശ്യമുള്ളവരെ തിരഞ്ഞെടുപ്പ് ബന്ധപ്പെടാം. വീഡിയോ മുഖേന ഡോക്ടര് രോഗിയെ പരിശോധച്ച് ഇ-മരുന്ന് കുറിപ്പടി നല്കും. തുടര് ചികിത്സയ്ക്കായി ആശുപത്രികളിലേക്ക് റഫര് ചെയ്യുന്ന പക്ഷം ആപ്പില് നിന്ന് ലഭിക്കുന്ന ഇ-പാസ് പോലീസ് പരിശോധന സമയം കാണിച്ച് യാത്ര തുടരാം. അടച്ചുപൂട്ടല് സമയത്ത് ആശുപത്രിയില് പോകാതെ തന്നെ ചികിത്സ തേടാനുള്ള ഈ സംവിധാനം പോലീസ് ഉദ്യോഗസ്ഥരും പൊതുജനങ്ങളും പരമാവധി വിനിയോഗിക്കണമെന്നും മുഖ്യമന്ത്രി ആവശ്യപ്പെട്ടു.
