കൊല്ക്കത്ത: കോവിഡ് കേസുകള് വര്ധിക്കുന്ന സാഹചര്യത്തില് കൂടുതല് ഓക്സിജന് അനുവദിക്കണമെന്നാവശ്യപ്പെട്ട് പ്രധാനമന്ത്രിക്ക് കത്തയച്ച് ബംഗാള് മുഖ്യമന്ത്രി മമത ബാനര്ജി. ഓക്സിജന് ആവശ്യകത സംസ്ഥാനത്ത് വര്ധിക്കുന്നതനുസരിച്ച് കേന്ദ്രം ഓക്സിജന് വിതരണം വഴിതിരിച്ചുവിടുകയാണെന്നും പ്രധാനമന്ത്രി നരേന്ദ്ര മോഡിക്ക് അയച്ച കത്തില് മമത ആരോപിക്കുന്നു.
ആവശ്യമായ ഓക്സിജന് അനുവദിക്കുന്നതിനു പകരം സംസ്ഥാനത്തെ മൊത്തം ഓക്സിജന് ഉത്പാദനത്തില് നിന്ന് മറ്റ് സംസ്ഥാനങ്ങള്ക്ക് നല്കുന്ന ഓക്സിജന് വിഹിതത്തിഴന്റെ അളവ് കേന്ദ്രം വര്ധിപ്പിക്കുകയാണ് ചെയ്തത്.കഴിഞ്ഞ ഒരാഴ്ചബയിലേറെയായി ബംഗാളിലെ മെഡിക്കല് ഓക്സിജന് ഉപയോഗം 550 മെട്രിക് ടണ് ആയി ഉയര്ന്നുവെന്നും മമത കത്തില് വ്യക്തമാക്കിയിട്ടുണ്ട്.
