.jpeg)
കണ്ണൂര്: പാനൂർ മുസ്ലിം ലീഗ് പ്രവര്ത്തകനായ മൻസൂറിനെ കൊലപ്പെടുത്തിയ കേസില് ഒരാൾ കൂടി പിടിയിൽ. സിപിഎം പ്രവർത്തകനായ കൊച്ചിയങ്ങാടി സ്വദേശി നിജിൽ ആണ് കണ്ണൂരിൽ വച്ച് പിടിയിലായത്. ഇയാൾക്ക് കൃത്യത്തിൽ നേരിട്ട് പങ്കുണ്ടെന്നാണ് പൊലീസ് പറയുന്നത്.
ഇതോടെ കൊലപാതകത്തിൽ നേരിട്ട് പങ്കെടുത്ത ആളുകൾ മുഴുവൻ പിടിയിലായി. കഴിഞ്ഞ തദ്ദേശ തെരഞ്ഞെടുപ്പിന് പിന്നാലെ ഓപ്പണ് വോട്ടുമായി ബന്ധപ്പെട്ട തര്ക്കത്തിന് പിന്നാലെ പാനൂര് മേഖലയില് ഉണ്ടായ സംഘര്ഷത്തിലാണ് മന്സൂര് കൊല്ലപ്പെട്ടത്. വീട്ടിലേക്ക് പോവുകയായിരുന്ന മന്സൂറിനെ ഒരു സംഘം സിപിഎം പ്രവര്ത്തകര് സംഘടിച്ചെത്തി ബോംബെറിഞ്ഞ് ഭീതി പരത്തിയതിന് ശേഷം ആക്രമിക്കുകയായിരുന്നു. കേസിലെ മുഖ്യ പ്രതീകളിൽ ഒരാൾ ആത്മഹത്യ ചെയ്തിരുന്നു. ഇതിൽ ദുരൂഹത ആരോപിച്ച് യുഡിഎഫ് രംഗത്തെത്തിയിരുന്നു.
