ന്യൂഡല്ഹി: മെയ് 24 ന് പ്രധാനമന്ത്രിയുടെ അധ്യക്ഷതയില് പുതിയ സി ബി ഐ ഡയറക്ടറെ തെരഞ്ഞെടുക്കാന്
ഉന്നതതല യോഗം ചേരും. ചീഫ് ജസ്റ്റിസ് എന് വി രമണ, ലോക്സഭയിലെ കോണ്ഗ്രസ് കക്ഷി നേതാവ് ആധിര് രഞ്ജന് ചൗധരി എന്നിവര് യോഗത്തില് പങ്കെടുക്കും.
ഡിജിപി ലോക്നാഥ് ബെഹ്റ ഉള്പ്പടെ സി ബി ഐ ഡയറക്ടര് സ്ഥാനത്തേക്ക് പരിഗണിക്കപ്പെടുന്നവരുടെ പേരുകള് സമിതി അംഗങ്ങള്ക്ക് സര്ക്കാര് കൈമാറി. 1985 ബാച്ച് കേരള കേഡര് ഐ.പി.എസ്. ഉദ്യോഗസ്ഥനാണ് ലോക്നാഥ് ബെഹ്റ.
സി ബി ഐ താത്കാലിക ഡയറക്ടര് പ്രവീണ് സിന്ഹ, ബി എസ് എഫ് മേധാവി രാകേഷ് അസ്താന, എന് ഐ എ മേധാവി വൈ സി മോദി, സി ഐ എസ് എഫ് മേധാവി സുബോധ് കാന്ത് ജയ്സ്വാള്, ഐ ടി ബി പി മേധാവി എസ് എസ് ദേസ്വാള്, ഉത്തര്പ്രദേശ് ഡി ജി പി ഹിതേഷ് ചന്ദ്ര അവാസ്ഥി എന്നിവരാണ് പരിഗണന പട്ടികയില് ഉള്ള മറ്റ് പ്രമുഖ ഐ പി എസ് ഉദ്യോഗസ്ഥര്.
