ന്യൂഡൽഹി കൊലപാതകക്കേസിൽ ഒളിവിൽ പോയ ഗുസ്തി താരം സുശീൽ കുമാറിനെതിരെ ജാമ്യമില്ലാ വാറണ്ട്. ഗുസ്തിയില് ജൂനിയർ തലത്തിൽ ദേശീയ ചാമ്പ്യനായ 23കാരന് സാഗര് കൊല്ലപ്പെട്ട കേസിലാണ് സുശീൽ കുമാർ ഒളിവിൽ പോയത്. കൊലപാതകവുമായി സുശീല്കുമാറിന് ബന്ധമുണ്ടെന്ന് ആരോപണമുയര്ന്നതോടെ താരം ഒളിവില്പ്പോവുകയായിരുന്നു.
മേയ് നാലിന് ഛത്രസാല് സ്റ്റേഡിയത്തിലെ പാര്ക്കിങ്ങില് വെച്ചുണ്ടായ അടിപിടിക്കിടെയാണ് സാഗര് കൊല്ലപ്പെടുന്നത്. സുശീൽ വാടകയ്ക്ക് നൽകിയിരുന്ന ഫ്ലാറ്റുകളിലൊന്ന് ഒഴിയുന്നതുമായി ബന്ധപ്പെട്ട തർക്കമാണ് പ്രകോപനത്തിന് കാരണമായതെന്ന് പൊലീസ് പറയുന്നു. കൊലപാതകം, ഗൂഢാലോചന എന്നീ കുറ്റങ്ങളാണ് സുശീല് കുമാറിനെതിരെ ചുമത്തിയിരിക്കുന്നത്.
ഭവത്തിനു ശേഷം സുശീല് ഹരിദ്വാറിലേക്കും പിന്നീട് ഋഷികേശിലേക്കും കടന്നതായി പോലീസ് പറഞ്ഞിരുന്നു. ഇതിനു പിന്നാലെയാണ് പോലീസ് ലുക്കൗട്ട് നോട്ടീസ് പുറപ്പെടുവിച്ചത്.സുശീല് കുമാറിനെതിരെ ഒന്നിലധികം പേരുടെ സാക്ഷി മൊഴികള് ലഭിച്ചിട്ടുണ്ടെന്ന് അഡീഷണല് ഡി.സി.പി ഗുരിഖ്ബാല് സിങ് സിദ്ധു പറഞ്ഞു. മറ്റ് ഗുസ്തി താരങ്ങള്ക്ക് മുന്നില് തന്നെക്കുറിച്ച് മോശമായി സംസാരിച്ചതിന് സുശീല് കുമാറും കൂട്ടരും സാഗറിനെ മോഡല് ടൗണിലെ വീട്ടില് നിന്ന് തട്ടിക്കൊണ്ടുപോയതായും ആരോപണം ഉണ്ട്.
