തിരുവനന്തപുരം: സംസ്ഥാനത്തെ കോവിഡ് 19 സാമ്പിള് പരിശോധനകളുടെ എണ്ണം രണ്ട് കോടി കഴിഞ്ഞു. സംസ്ഥാനത്തെ 2667 പരിശോധനാ കേന്ദ്രങ്ങളിലാണ് കോവിഡ് പരിശോധനകള് നടത്തുന്നത്. ഇത്തരമൊരു സാഹചര്യത്തിൽ വിശ്രമമില്ലാതെ പ്രവര്ത്തിച്ച എല്ലാ ജീവനക്കാരേയും ആരോഗ്യമന്ത്രി വീണ ജോർജ് അഭിനന്ദിച്ചു.
89 ലാബുകളില് ആര്.ടി.പി.സി.ആര്, 30 ലാബുകളില് സിബി നാറ്റ്, 83 ലാബുകളില് ട്രൂനാറ്റ്, 2465 ലാബുകളില് ആന്റിജന് എന്നിങ്ങനെ പരിശോധനകളാണ് നടത്തുന്നത്. ആലപ്പുഴ എന്ഐവിയില് മാത്രമുണ്ടായിരുന്ന കോവിഡ് പരിശോധനാ സംവിധാനം ഇപ്പോള് സംസ്ഥാനം മുഴുവന് ലഭ്യമാണ്. 10 മൊബൈല് ലാബുകള് മുഖേനയും കോവിഡ് പരിശോധന നടത്തുന്നുണ്ട്.
ആര്.ടി.പി.സി.ആര്. 69,28,572, ആന്റിജന് 1,23,81,380, വിമാനത്താവള നിരീക്ഷണ സാമ്പിള് 77321, സിബി നാറ്റ് 71,774, ട്രൂനാറ്റ് 5,75,035, പി.ഒ.സി.ടി. പി.സി.ആര്. 9691, ആര്.ടി. ലാമ്പ് 11,274 എന്നിങ്ങനെയാണ് ഇതുവരെ നടത്തിയ പരിശോധന.
