ക്ലബ്ഹൗസില് തന്റെ പേരില് പ്രചരിച്ച വ്യാജ അക്കൗണ്ടിനെതിരെ നടന് പൃഥ്വിരാജ്. താരത്തിന്റെ പേരും ഇന്സ്റ്റഗ്രാം ഐഡിയും ഉപയോഗിച്ച് വ്യാജ പ്രൊഫൈല് ഉണ്ടാക്കി ചാറ്റ് റൂം സൃഷ്ടിച്ചാണ് ആളുകളെ തെറ്റിദ്ധരിപ്പിച്ചത്. താരത്തിന്റെ അതേ ശബ്ദവും അനുകരിച്ചതോടെ 1800 ഓളം ആളുകള് തെറ്റിദ്ധരിച്ച് ചാറ്റ് റൂമില് എത്തുകയും ചെയ്തു.
ചാറ്റ് റൂമില് താരത്തിന്റെ ശബ്ദം അനുകരിച്ച് സിനിമ വിശേഷങ്ങളും വ്യാജ പ്രൈഫലിലുടെ പങ്കുവെച്ചു. ഇതിനിടെ തട്ടിപ്പ് മനസിലായി ഒരാള് ചോദ്യം ചെയ്തതോടെയാണ് മറ്റുളളവര് തെറ്റിദ്ധരിപ്പിക്കപ്പെട്ടു എന്ന് തിരിച്ചറിഞ്ഞത്. പിന്നാലെ വ്യാജ പ്രൊഫൈലിനെതിരെ മുന്നറിയിപ്പുമായി താരം രംഗത്തെത്തി.
'സോഷ്യല്മീഡിയയില് ഞാനണെന്ന് അവകാശപ്പെടുന്നത്, തന്റെ ശബ്ദത്തെ അനുകരിക്കുക, എന്റെ ഇന്സ്റ്റ ഹാന്ഡിലിനോട് സാമ്യമുള്ള ഒരു ഐഡി ഉപയോഗിക്കുന്നത് എല്ലാ കുറ്റകരമാണ്. ഇത് നിര്ത്തുക. ഞാന് ക്ലബ്ഹൗസില് ഇല്ല' താരം ഫെയ്സ്ബുക്ക് പോസ്റ്റില് വ്യക്തമാക്കി.
