വാഷിങ്ടൺ : സാങ്കേതിക തകരാർ മൂലം യു എസ് വൈസ് പ്രസിഡന്റ് കമല ഹാരിസിന്റെ വിമാനം തിരിച്ചിറക്കി. മെക്സിക്കോ, ഗ്വാട്ടിമാല എന്നിവിടങ്ങളിലെ സന്ദർശനത്തിനായി പുറപ്പെട്ടതായിരുന്നു വൈസ്പ്രസിഡന്റ്.
യുഎസ് വ്യോമസേനയുടെ രണ്ടാം നമ്പർ വിമാനമാണ് തകരാർ ശ്രദ്ധയിൽ പെട്ടതിനെ തുടർന്ന് അടിയന്തിരമായി തിരിച്ചിറക്കിയത്. സാങ്കേതിക തകരാർ മാത്രമായിരുന്നുവെന്നും സുരക്ഷാപ്രശ്നങ്ങൾ ശ്രദ്ധയിൽപ്പെട്ടിട്ടില്ലെന്നും വൈസ്പ്രസിഡന്റിന്റെ മുഖ്യവക്താവും ഉപദേഷ്ടാവുമായ സൈമൺ സാൻഡേഴ്സ് അറിയിച്ചു.
വിമാനം നിലത്തിറക്കിയതിനു പിന്നാലെ മറ്റൊരു വിമാനത്തിൽ യാത്ര തുടരുകയും ചെയ്തു.
