മലയാളത്തിലും തമിഴിലും തെലുങ്കിലുമൊക്കെ സജീവമായ താരമാണ് പ്രിയാമണി. ഇപ്പോള് തനിക്കു നേരെ ഉയരുന്ന ബോഡി ഷെയ്മിങ്ങിനെക്കുറിച്ച് തുറന്നു പറയുകയാണ് താരം. താന് തടിച്ചിരിക്കുകയാണെന്നും കറുത്തിരിക്കുകയാണെന്നും പറഞ്ഞ് നിരവധി പേരാണ് കമന്റുകള് ചെയ്യുന്നത് എന്നാണ് പ്രിയാമണി തുറന്നു പറയുന്നത്.
''എന്റെ ശരീരഭാരം 65 കിലോ വരെ പോയിട്ടുണ്ട്. ഇപ്പോള് ഞാന് എങ്ങിനെയാണോ അതിനേക്കാള്. 'നിങ്ങള് തടിച്ചിരിക്കുന്നു' എന്നാണ് അപ്പോള് ആളുകള് പറഞ്ഞത്. പിന്നീട് എന്താണ് ഇങ്ങനെ മെലിഞ്ഞു പോയത് എന്നായി ചോദ്യം. 'തടിച്ച നിങ്ങളെയായിരുന്നു ഞങ്ങള്ക്കിഷ്ടം' എന്നൊക്കെ പറയും. മറ്റുള്ളവരെ ബോഡി ഷെയിം ചെയ്യുന്നതിന് പിറകിലെ വികാരം എന്താണെന്ന് എനിക്ക് മനസ്സിലാകുന്നില്ല. മേക്കപ്പില്ലാത്ത ചിത്രങ്ങള് പോസ്റ്റ് ചെയ്താല് ഇവര് പറയും, നിങ്ങള് മേക്കപ്പ് ഇടുന്നതാണ് നല്ലത് അല്ലെങ്കില് ഒരു ആന്റിയേപ്പോലെ ഇരിക്കുമെന്ന്. അതുകൊണ്ടെന്താണ് കുഴപ്പം.
ഇന്നല്ലെങ്കില് നാളെ എല്ലാവരും പ്രായമാകും. എന്റെ തൊലിയുടെ നിറത്തെക്കുറിച്ചും ഇവര് അഭിപ്രായം പറയും. നിങ്ങള് കറുത്തിരിക്കുന്നു. കറുത്തിരുന്നാല് എന്താണ് കുഴപ്പം എന്നാണ് എനിക്ക് ചോദിക്കാനുള്ളത്. കറുത്തിരിക്കുന്നതില് എനിക്ക് അഭിമാനം മാത്രമേയുള്ളൂ''- ബോളിവുഡ് ബബിളിന് നല്കിയ അഭിമുഖത്തില് പ്രിയാമണി പറയുന്നു.
